नीलकण्ठमा शिक्षाको प्रकाश छरेर विदाई भए बरिष्ठ शिक्षा अधिकृत प्रकाशदत्त भट्ट
नीलकण्ठका वडा सचिव तथा स्वास्थ्य संस्था इन्चार्जहरुलाई क्षमता विकास तालिम
रिलायन्स फाइनान्स र लाङ्घाली डेन्टलबीच सम्झौता: दन्त उपचारमा ५० प्रतिशतसम्म विशेष छुट
न्यूनतम सेवा मापदण्डमा ढोला स्वास्थ्य चौकी जिल्लाकै उत्कृष्ट
भक्तपुरको प्रसिद्ध ‘जु जु धौँ’ दही अब मण्डली जुस हबमा
विद्यालय दिवाखाजा सम्बन्धी २ दिने अभिमुखीकरण कार्यक्रम नीलकण्ठमा सुरु
धादिङबेशी,२० पौष । नेकपा एमाले धादिङ जिल्ला कमिटीको बैठकले उपाध्यक्ष अर्जुनकुमार श्रेष्ठ (गोर्खाली) लाई कार्यबाहक अध्यक्षको जिम्मेवारी दिएको छ।
जिल्ला कमिटीको नवौँ अधिवेशनबाट अध्यक्षमा निर्वाचित भूमि त्रिपाठी पार्टीको ११औँ राष्ट्रिय महाधिवेशनबाट केन्द्रीय सदस्यमा निर्वाचित भएसँगै पार्टी विधानअनुसार श्रेष्ठलाई कार्यबाहक अध्यक्षको जिम्मेवारी तोकिएको हो।
जिल्ला कमिटीको बैठकले केन्द्रीय कमिटिमा निर्वाचित नेताहरूलाई सम्मानसमेत गरेको छ। सम्मानित हुने नेताहरूमा केन्द्रीय लेखा आयोगका अध्यक्ष डा. पुष्प कडेल, केन्द्रीय सदस्य डा. खेमप्रसाद लोहनी र भूमि त्रिपाठी रहेका छन्।
जिल्ला कमिटीको बैठककै अवसरमा आयोजना गरिएको सम्मान कार्यक्रममा पार्टीको नीति, विचार र संगठन निर्माणमा पुर्याएको योगदानको कदर गर्दै नेताहरूलाई सम्मान गरिएको नेकपा एमाले धादिङ जिल्ला कमिटीले जनाएको छ।
पार्टी संगठनलाई थप सुदृढ बनाउने उद्देश्यसहित गरिएको जिम्मेवारी हस्तान्तरण र सम्मान कार्यक्रमले जिल्लामा एमालेको संगठनात्मक गतिविधि थप सक्रिय हुने विश्वास गरिएको छ।
