पशुपति दुग्ध उत्पादक सहकारी संस्थाको अध्यक्षमा रामहरी सापकोटा निर्वाचित

धादिङ,२० पुस
पशुपति दुग्ध उत्पादक सहकारी संस्था लिमिटेडको १९ औँ बार्षिक साधारण सभा सम्पन्न भएको छ । शनिवार जिल्ला समन्वय समितिको हलमा सम्पन्न भएको अधिवेशनले नयाँ कार्य समिति चयन गरेको छ । अधिवेशनले रामहरी सापकोटाको अध्यक्षतामा नयाँ कार्य समिति चयन गरेको छ । पुर्नःगठीत समितिको उपाध्यक्षमा सिता ढुंगाना,सचिवमा गोपाल प्रसाद अधिकारी र कोषाध्यक्षमा मनोज थापा निर्वाचित हुनुभएको छ ।
सदस्यहरुमा लुम्मणी प्रसाद नेपाल,ठाकुर प्रसाद रिजाल,गोकर्ण लम्साल,शुष्मा भट्ट र सावित्री ढकाल निर्वाचित हुनुभएको छ । यसैगरी केशवराज रिमालको संयोजकत्वमा लेखा समिति समेत चयन गरीएको छ ।