चिल्ड्रेनपार्क माविको खेलकुद सप्ताह आजबाट सुरु

धादिङ,१ पुस
धादिङ जिल्लाकै अब्बल शैक्षिक संस्था चिल्ड्रेनपार्क आवासीय माध्यामिक विद्यालयको वार्षिक खेलकुद कार्यक्रम(२०८२ आजबाट हुने भएको छ । विद्यालयको वार्षिक कार्यतालिका अनुसार आज बिहान १० बजे बिबिध कार्यक्रमका साथ उद्घाटन हुनेछ । खेलकुद प्रतियोगिता पुष ४ गते सम्पन्न हुनेछ ।विद्यालयका नीलो, हरियो, रातो, र पहेँलो सदन बिच प्रतिस्पर्धा हुने खेलहरु अन्तराष्ट्रिय नियम अनुसार संचालन हुने विद्यालयका खेलकूद व्यवस्थापन समितिका सदस्य केशव श्रेष्ठले जानकारी दिनुभयो ।सदन शिक्षकहरु बिच समेत हुने प्रतिस्पर्धामा कुल ११० स्वर्ण, १०९ रजत र १०५ कास्य पदक गरी जम्मा ६१६ पदकका लागि प्रतिस्पर्धा हुने खेलकुद संयोजक इन्द्रराज श्रेष्ठले जानकारी दिनु भएको छ।

कक्षा १० सम्मको विद्यार्थीहरु सहभागि हुने खेलहरुलाई प्रि प्राइमरी, जुनियर, सब जुनियर र सिनियर गरी ४ तहमा खेल खेलाइने छ । खेलहरू विद्यालय प्राङ्गण, जिल्ला प्रशासनसँगैको खेल मैदान र धादिङ फुटसलमा संचालन हुने खेलकूद व्यवस्थापन समितिका संयोजक श्रेष्ठले बताउनुभयो ।पौष १ गतेदेखि सुरु हुने खेलकुदले राष्ट्रले अङ्गिकार गरेको ुराष्ट्रका लागि खेलकुद, स्वास्थ्यका लागि खेलकुदु को उदेश्यलाई विद्यालय तहबाट नै पूरा गदै लैजाने, आफूभित्रको खेलप्रति रहेको कौसललाई प्रस्फुटन गर्दै अनुशासन, टिम वर्क, धैर्यता जस्ता सीपहरू विद्यालय तहबाटै सिकाउन हरेक वर्षजस्तै यो वर्ष पनि आयोजना गरिएको प्रिन्सिपल षष्टिकुमार श्रेष्ठले बताउनु भयो ।२०८१ मा नीलो सदन तस्रो पटक विजेता भएको थियो भने यो अझै रोचक प्रतिस्पर्धा हुने अनुमान गरिएको छ ।साथै कक्षा ११, १२ को समेत खेलकुद कार्यक्रम भोलिदेखि बिहानी सत्रमा संचालन संस्थाले जानकारी दिएको छ।