स्वर्णिम धादिङ बहुउद्देश्यीय सहकारीद्धारा ११ प्रतिशत लाभांश घोषणा

धादिङ, असोज २६ गते ।
स्वर्णिम धादिङ बहुउद्देश्यीय सहकारी संस्था लिमिटेडले ११ प्रतिशत लाभांश घोषणा गर्दै सातौं वार्षिक साधारणसभा भव्यताका साथ सम्पन्न गरेको छ ।

२०७६ साल बैशाख १ गतेबाट औपचारिक कारोबार सुरु गरेको सहकारीले दोस्रो वर्षदेखि नियमित रूपमा १० प्रतिशत बोनस वितरण गर्दै आएको थियो । यस वर्ष लाभांश दर बढाएर ११ प्रतिशत पु¥याएको हो ।

हाल संस्थामा १ हजार ९१९ जना शेयर सदस्य रहेका छन्, जसमा करिब ५० प्रतिशत युवा सदस्य छन् । सहकारीको हालसम्मको पुँजी १२ करोड रुपैयाँभन्दा माथि पुगेको छ ।

अध्यक्ष अशोक कुमार बस्नेतको संयोजकत्वमा स्थापना भएको सहकारीले २०८० सालदेखि बार्षिक झण्डै ४ करोड रुपैयाँको कारोबार गर्दै आएको स्वर्णिम मिटमार्ट समेत सफलतापूर्वक सञ्चालन गरिरहेको छ ।

यस सहकारीले आर्थिक सशक्तीकरणका साथै युवालाई व्यवसायिक रूपमा प्रोत्साहित गर्ने विभिन्न योजना पनि अघि सारेको जनाएको छ ।