किबो स्काउट ट्रुपद्राद्धारा स्काउट स्थापना दिवसको अवसरमा सन्देशमुलक नृत्य तथा नाटक प्रस्तुत

धादिङ,०५ असार ।

नेपाल स्काउटको ७४औं स्थापना दिवसको अवसरमा किबो स्काउट ट्रूपले सन्देशमूलक नाटक तथा नृत्य प्रस्तुत गरेको छ । विद्यालय स्काउट संरक्षक एवम् प्रिन्सिपल आदरणीय प्रयास रेग्मीको प्रमुख आतिथ्यमा उक्त कार्यक्रम सम्पन्न भएको हो।
विसं २०६५ सालदेखि निरन्तर रूपमा क्रियाशील किवो स्काउट ट्रूपका स्काउटरहरूले सन्देशमूलक नाटक तथा नृत्य प्रस्तुत गरी कार्यक्रमको शोभा बढाएका थिए।
कार्यक्रममा विद्यालयका स्काउट मास्टर एवम् संयोजक सिताराम महतले स्काउटले गर्ने सेवामूलक कार्यहरूको बारेमा प्रकाश पार्दै, अनुशासन, नेतृत्व, सामाजिक उत्तरदायित्व जस्ता मूल्यहरूमा स्काउटरहरू संलग्न रहने बताए।
त्यस्तै, स्काउट मास्टर तथा खेलकुद शिक्षक विनोद थापा मगरले किवो स्काउट ट्रूपले समय–समयमा पीडित तथा आपतविपतमा परेका व्यक्तिहरुलाई सहयोग गर्दै आएको र विद्यार्थीहरू सधैं सेवाभावमा तत्पर रहेको जानकारी गराए।
कार्यक्रममा स्काउट विद्यार्थीहरूको उत्साहजनक सहभागिता रहेको थियो।