धादिङको थाक्रेमा सवारी दुर्घटना, पाँच जना घाइते

धादिङ, २० चैत्र ।
धादिङको थाक्रे गाउँपालिका–१, खयरघारीमा कार र ट्रक दूर्घटना हुँदा पाँच जना घाइते भएका छन्।

काठमाडौंबाट चितवनतर्फ जाँदै गरेको बि.ए.डी. १३७७ नम्बरको कार र विपरीत दिशाबाट आउँदै गरेको मधेश प्रदेश ०३–००२ ख १७३३ नम्बरको ट्रक आपसमा ठोक्किएर दूर्घटना भएको हो ।

दूर्घटनामा घाइते हुनेहरुमा नवलपरासीको देवचुली गाउँपालिकाका ३६ वर्षीय प्रदीप न्यौपाने, १० वर्षि बालक प्रक्षेप न्यौपाने, काभ्रेपलाञ्चोक जिल्ला पनौती नगरपालिका–८ का २७ वर्षिय सुबोध बञ्जरा, पाल्पा जिल्ला गनासकाली गाउँपालिका–२ का २९ वर्षिय रामहरी गैरे, कञ्चनपुर पुनर्वास नगरपालिका–८ का ३३ वर्षिय मुनिराज उपाध्याय रहेका छन् ।

घाइतेहरुको सिम्लेस्थित स्थानीय स्वास्थ्य संस्थाहरुमा प्राथमिक उपचार गरिएको छ । थप उपचारका लागि प्रदीप न्यौपाने, प्रक्षेप न्यौपाने र रामहरी गैरेलाई काठमाडौं पठाइएको जिल्ला प्रहरी कार्यालय धादिङका प्रहरी नायव उपरीक्षक सुवास हमालले जानकारी दिनुभयो ।

दूर्घटनाग्रस्थ दुई ओटै सवारी र सवारी चालकहरु प्रहरी नियन्त्रणमा रहेका छन्।