धादिङमा फागुन १२ देखि ’प्रथम सुमन स्मृति खुल्ला फुटबल’ प्रतियोगिता हुने

धादिङ, १६ माघ ।
धादिङमा प्रथम सुमन स्मृति खुल्ला फुटबल प्रतियोगिता हुने भएको छ । धादिङ फुटबल क्लबको आयोजनामा आगामी फागुन १२ गतेदेखि १७ गतेसम्म ‘प्रथम सुमन स्मृति खुल्ला फुटबल प्रतियोगिता’ हुने भएको हो ।

धादिङमा जन्मिएर फुटबललाई व्यवसायिक रुपले अघि बढाउँदै गर्दा ज्यान गुमाएका नीलकण्ठ नगरपालिका–३ का सुमन श्रेष्ठको सम्मान स्वरुप उनकै नाममा फुटबलको आयोजना गरिएको फुटबल क्लवका अध्यक्ष गोपीकृष्ण भण्डारीले बताउनुभयो ।

मंगलबार पत्रकार समेन्नलन गदै मृतक सुमनको सम्मान र खेलाडीहरुलाई प्रोत्साहनका लागि आयोजित खुल्ल फुटबल प्रतियोगितामा जहाँसुकैबाट जुनसुकै क्लवले सहभागी हुन पाउने जानकारी दिनुभयो ।

उहाँले भन्नुभयो, खेलाडीको उमेर र स्थानले प्रतियोगितामा सहभागी हुन रोक लगाइएको छैन । देश विदेशबाट प्रतियोगितामा सहभागी हुने पाउँछन्।
प्रतियोगितामा प्रथम हुने टिमले एक लाख ७५ हजार, दोस्रोले ७५ हजार तथा सेमिफाइनलमा पुग्ने अन्य दुई टिमलाई २५ हजार रुपैंया नगद प्रदान गरिने छ ।

२०८१ फागुन १२ गतेदेखि १७ गतेसम्म हुने प्रतियोगिता नकआउट चरणमा हुनेछ । नाइन ‘ए’ साइड खेल हुने क्लवका सचिव सरोज पाण्डेले बताउनुभयो

त्यस्तै उद्धघाटन अघि खुल्ला पुरुष म्याराथुन प्रतियोगिता पनि हुने पाण्डेले बताउनभयो । म्यारुथुनमा प्रथम हुनेलाई २५ हजार, दोस्रो हुनेलाई १५ हजार र तेस्रो हुनेलाई १० हजार नगद पुरस्कार दिइनेछ ।