गणितका ११ सहित २४ जना निम्न माध्यामिक शिक्षकको नियुक्ति

धादिङ,१४ माघ
जिल्लामा दरबन्दी रहेर पनि खाली भएका ११ जना गणितका शिक्षक सहित २४ जना निम्न माध्यामिक तहका शिक्षकलाई शिक्षा विकास तथा समन्वय इकाइले नियुक्तिपत्र दिएर कार्यक्षेत्रमा पठाएको छ । शिक्षक अभाव खेपी रहेका विद्यालयहरुले शिक्षकका नियुक्तिपछि सहज महसुस गरेका छन् ।शिक्षा विकास तथा समन्वय इकाइले गणितका ११ जना, विज्ञानका ४ जना, सामाजिकका ५ जना, अंग्रेजीका ३ जना र नेपालीका १ जना शिक्षकलाई नियुक्ति दिएको हो ।

गल्छी गाउँपालिकामा १ जना नेपाली, सिद्धलेक, त्रिपुरासुन्दरी र नेत्रावती डबजोङ गाउँपालिकामा १-१ जना अंग्रेजी, सिद्धलेकमा २ जना विज्ञान र थाक्रे र गजुरीमा एक एक जना विज्ञान, गल्छी, सिद्धलेक, नीलकण्ठ, गंगाजमुना र रुबिभ्यालीमा एक एक जना सामाजिक विषयका शिक्षकलाई पठाइएको शिक्षा विकास तथा समन्वय इकाइका प्रमुख भुमिलाल सुवेदीले बताउनुभयो ।

गणति विषयको ठूलदो स.ख्यामध्ये नीलकण्ठ, गंगाजमुना, बेनिघाटरोराङमा दुई दुई जना तथा सिद्धलेक, थाक्रे, खनियाबास, रुबीभ्याली, नेत्रावती डबजोङमा एक एक जना शिक्षकलाई नियुक्ति दिइएको छ ।शिक्षा विकास तथा समन्वय इकाइका प्रमुख सुवेदीले शिक्षकहरुलाई सपथग्रहण गराउँदै शिक्षकको शैक्षिक, सामाजिक र व्यक्तिगत भूमिका महत्वपूर्ण हुने बताउँदै नियुक्त भएका शिक्षकहरुको कामले आगामी शैक्षिक गुणस्तरमा वृद्धि हुने विश्वास व्यक्त गर्नुभएको छ।