धुवाँकोटमा गहन समुदाय अभिमुखीकरण कार्यक्रम सम्पन्न

धादिङ,२३ पुस
धादिङको नीलकण्ठ नगरपालिका वडा नम्बर १४ को धुवाँकोटमा गहन समुदाय अभिमुखीकरण कार्यक्रम सम्पन्न भएको छ ।सुरक्षित आप्रवासन (सामी) कार्यक्रम अन्तरगत नीलकण्ठ नगरपालिकाको आयोजनामा बैदेशिक रोजगारलाई सुरक्षित, भरपर्दो र लाभदायी बनाउने उद्धेश्यले कार्यक्रमको आयोजना गरिएको सामी कार्यक्रम संयोजक दिनेश दुवाडीले जानकारी दिनुभयो । बैदेशिक रोजगारमा नबुझिजाँदा विभिन्न समस्याहरु पर्ने गरेको कारण बैदेशिक रोजगारमा जानुपुर्व अपनाउनुपर्ने प्रक्रियाको बारेमा छलफल गरीएको ढुवाडीले बताउनुभयोे ।

कार्यक्रममा सहभागीहरुलाई हेल्भेटास नेपालका कार्यक्रम अधिकृत भोजराज सुनुवार र सामी कार्यक्रम संयोजक दिनेश दुवाडीले बैदेशिक रोजगारीको शिलशिलामा ठगिएकाहरुलाई निशुल्क कानुनी सेवाको लागि सहजीकरण, बैदेशिक रोजगारीमा रहँदा अंगभंग भएका, मृत्यु भएकाहरुलाई क्षतिपुर्तिको लागि सहजिकरण, निशुल्क सिपको लागि सिफारीस, बैदेशिक रोजगारको क्रममा भएको ठगिमामा सहजिकरण गर्ने लगायतको विषयमा जानकारी गराउनु भएको थियो ।

साथै उहाँहरुले कार्यक्रममा विभिन्न चित्र मार्फत सूचना तथा परामर्श केन्द्रले गर्ने काम, वैदेशिक रोजगारमा जाँदा सहि सूचना र सीपको महत्व, कागजपत्रको सुरक्षा र त्यसको महत्व, घरेलु कामदारको रुपमा वैदेशिक रोजगारीमा जादा विचार पु¥याउनुपर्ने कुराहरु, पैसा र पासपोर्ट दिदा भरपाई गर्नुपर्ने विषयमा जानकारी गराउनु भएको थियो । वडा नम्बर १४ का वडा अध्यक्ष नवराज दुवाडीको अध्यक्षतामा सम्पन्न भएको कार्यक्रममा हेल्भेटास नेपालका कार्यक्रम अधिकृत भोजराज सुनुवार,सामी कार्यक्रम संयोजक दिनेश दुवाडी,रिटर्नी स्वंयमसेवक कमला कोईराला,राममाया श्रेष्ठ लगायत स्थानीय नागरिकहरुको सहभागिता रहेको थियो ।