पशुपति मा.विमा एक दिने निरन्तर विद्यार्थी मूल्याङ्कन सम्बन्धी कार्यशाला

धादिङ,१३ असोज ।
नीलकण्ठ नगरपालिका–१२, दामगाडे स्थित पशुपति माध्यामिक विद्यालयमा निरन्तर विद्यार्थी मूल्याङ्कन सम्बन्धी एक दिने कार्यशाला सम्पन्न भएको छ । वडा अध्यक्ष राजकुमार भण्डारीको अध्यक्षतामा सम्पन्न उक्त कार्यशालामा नगरपालिकाका शिक्षा शाखा प्रमुख प्रकाशदत्त भट्टले सहजिकरण गर्नुभएको थियो।

कार्यशालामा प्रकाशदत्त भट्टले विद्यार्थी मूल्याङ्कनलाई निरन्तर सुधार गर्नुपर्ने महत्त्व र यसले शिक्षण विधिलाई थप प्रभावकारी बनाउने तरिकाहरूको विषयमा चर्चा गर्नुभयो।

वडा अध्यक्ष राजकुमार भण्डारीले विद्यार्थीहरूको शैक्षिक स्तर मापनमा नयाँ दृष्टिकोण आवश्यक भएको र यस प्रकारका कार्यशालाले शिक्षामा गुणस्तर सुधार गर्न मद्दत पुग्ने विश्वास व्यक्त गर्नुभयो।

निरन्तर मूल्याङ्कन प्रक्रियाको कार्यान्वयन र सुधारका विविध पक्षहरूबारे छलफल गर्दै सहभागी शिक्षकहरूलाई मूल्याङ्कनको नवीनतम विधिहरूमा तालिम दिने उद्देश्य कार्यक्रम आयोजना गरिएको अध्यक्ष भण्डारीले बताउनुभयो ।

कार्यशालामा पशुपती माध्यामिक विद्यालयका प्रधानाध्यापक नारायण भण्डारी, वडा नं १२ र १३ का कक्षा १ देखि ३ सम्मका ३६ जना शिक्षक शिक्षिकाहरुकोे उपस्थिति रहेको थियो ।