धादिङ तीन वटा धार्मिक वन हस्तान्तरण

धादिङ,१० भदौ
धादिङको सिद्धलेक गाउँपालिका वडा नम्बर र ६ मा रहेको श्री विश्व भागवत धाम धार्मिक बन समितिलाई हस्तान्तरण गरिएको छ । सो बन ०.४० हेक्टरमा फैलिएको छ ।त्रिपुरासुन्दरी गाउँपालिका वडा नम्बर १ मा अवस्थित नरसिंह धाम धार्मिक बन बन समितिलाई हस्तारण गरीएको छ । उक्त बन २२.५९ हेक्टरमा फैलिएको छ । यसैगरी सोहि वडाको पान्धारे दुग्धनाथ महादेव मन्दिर धार्मिक बन पनि समितिलाई हस्तान्तरण गरीएको छ । उक्त बन पनि ८.८९ हेक्टर क्षेत्रमा फैलिएको छ ।श्री कृष्ण जन्मअष्टमी दिन एक कार्यक्रमको बीच तिनै वटै धार्मिक बन हस्तान्तरण गरीएको छ ।

यसअघि धादिङमा २ वटा धार्मिक बन दर्ता भएका थिए । यो सँगै जिल्लामा धार्मिक बनको संख्या पाँच वटा पुगेको डिभिजन बन कार्यालय धादिङका प्रमुख विष्णु प्रसाद आर्चायले जानकारी दिनुभयो ।डिभिजन बन कार्यालय धादिङका प्रमुख आर्चायले धार्मिक वन समितिका अध्यक्षहरुलाई प्रमाणपत्र दिएर धार्मिक वन हस्तान्तरण गर्नुभएको थियो । सो क्रममा बोल्नुहुँदै आर्चायाले धार्मिक वन आफैँमा महत्वपूर्ण रहेको र वन संरक्षणमा युवालाई समेत सहभागिता गराउनुपर्नेमा जोड दिनुभयो ।धार्मिक वनको संरक्षण गर्ने गरी आज समितिलाई वन हस्तान्तरण भएको छ ।वनमा रुख बिरुवा घट्दै गएको र अतिक्रमण हुँदै गएका बेला यसरी धार्मिक वनले संरक्षणमा सहयोग मिल्ने आर्चायले विश्वास व्यक्त गर्नुभयो ।v