सहारा साकोसको २५ औं स्थापना दिवसमा ६१ जनाले गरे रक्तदान

धादिङ,१८ साउन ।
सहारा महिला बचत तथा ऋण सहकारी संस्था लि धादिङको २५ औं स्थापना दिवसको अवसरमा ६१ जनाले रक्तदान गरेका छन् ।

शुक्रबार सहारा साकोसको भवनमा भएको कार्यक्रममा ३६ जना पुरुष र २५ जना महिला गरी ६१ जनाले रक्तदान गरेको धादिङ रेडक्रसका कोषाध्यक्ष नारायण कुमार श्रेष्ठले जानकारी दिनुभयो ।

बिहान ८ बजेदेखि कार्यक्रममा दिउँसो २ बजेसम्म भएको कार्यक्रममा नेपाल रेडक्रस सोसाइटी रक्त संचार सेवा केन्द्र धादिङको प्राविधिक सहयोग रहेको थियो ।

रगत अभावलाई न्युनिकरण गर्न संस्थाले रक्तदान कार्यक्रमलाई निरन्तरता दिदै आएको सहारा साकोसका अध्यक्ष पार्वती राई खाडले बताउनुभयो ।