बेनीघाट रोराङका सार्वजनिक स्थानमा धुम्रपान गर्न रोक,सुचना टांस नगरे कार्यालय प्रमुख समेतलाई जरिवाना

धादिङबेशी । धादिङको बेनीघाट रोराङ गाउँपालिकाले सार्वजनिक स्थानमा धुम्रपान गर्न रोक लगाइएको छ । गाउँपालिकाले एक सूचना जारी गर्दै सार्वजनिक स्थानमा धूम्रपान तथा सुर्तीजन्य पदार्थ सेवन नगर्न अनुरोध गरेको हो ।

सार्वजनिक स्थलमा धूम्रपान तथा सुर्तीजन्य पदार्थ सेवन गरेमा सुर्तीजन्य पदार्थ नियन्त्रण तथा नियमन ऐन २०६८ को दफा १७ बमोजिम कारवाही र सजाय हुने गाउँपालिकाका प्रमुख प्रशासकीय अधिकृत नर्बदा घिमिरेद्धारा जारी सूचनामा भनिएको छ ।

सरकारी तथा सार्वजनिक कार्यालयमा धूम्रपान तथा सुर्ती सेवन निषेधको सूचना टाँस गर्नुपर्ने सुचनमा उल्लेख गरिएको छ । सूचना टाँस नगरेमा सुर्तीजन्य पदार्थ नियन्त्रण तथा नियमन ऐन २०६८ को दफा १७ बमोजिम व्यवस्थापक कार्यालय प्रमुखलाई पाँच हजार रुपयाँ सम्म जरिवाना हुने पनि सूचनामा उल्लेख गरिएको छ ।

यस्तो छ गाउँपालिकाद्धारा जारी सूचना