नेत्रावती डबजोङबाट SEE मा ९२.३६ प्रतिशत विद्यार्थी उतीर्ण
किबो स्काउट ट्रुपद्राद्धारा स्काउट स्थापना दिवसको अवसरमा सन्देशमुलक नृत्य तथा नाटक प्रस्तुत
धादिङको बेल्खुमा दुई मोटरसाइकल ठोक्किँदा तीनजना घाइते, एकजनाको अवस्था गम्भीर
सिद्धलेकले ल्यायो ६० करोडको बजेट,सडक, शिक्षा, कृषि र स्वास्थ्यमा जोड
मिन्दुका माविमा संघ, प्रदेश र स्थानीय तहको झल्को दिने नमुना निर्वाचन सम्पन्न
चिल्ड्रेनपार्क माविद्वारा चार जिपिए ल्याउने प्रिसिला तामाङ सहित अन्य विद्यार्थीलाई सम्मान
धादिङबेशी । पाठेघरको मुखको क्यान्सर र स्तन क्यान्सर सम्बन्धि पत्रकारसँग एक दिने अन्तक्र्रिया कार्यक्रम सम्पन्न भएको छ ।
बुधबार धादिङबेसीमा स्वास्थ्य तथा जनसङ्ख्या मन्त्रालय राष्ट्रिय स्वास्थ्य शिक्षा सुचना तथा संचार केन्द्रको आयोजनामा पाठेघरको मुखको क्यान्सर र स्तन क्यान्सर सम्बन्धि अन्तक्र्रिया कार्यक्रम भएको हो ।
कार्यक्रममा पाठेघरको मुखका क्यान्सर भनेको के हो, पाठेघरको मुखका क्यान्सर जोखिम, लक्षण,सामाधान लगायतको विषयमा जनस्वास्थ्य कार्यालय धादिङका प्रमुख विभु कुमार झाले सहजिकरण गर्नु भएको थियो त्यस्तै उहाँले स्क्रिनिङ किन महत्त्वपूर्ण छ, कहिले परीक्षण गराउने लगायतको विषयमा प्रस्तुतीकरण गर्नुभएको थियो ।
धादिङ अस्पतालका डा. दिनेश रेग्मीले कार्यक्रममा प्रस्तुतिकरण गर्नुहुदै महिलाहरु आफ्ैले आफ्नो स्तन छामेर क्यान्सर भएको नभएको सजिलै थाहा पाउन सकिने बताउनु भयो । यसैगरि उहाँले साउन एक गते देखी धादिङ अस्पतालमै स्तन क्यान्सर जाँच सेवा सुरु हुने बताउनु भयो ।
जिल्ला आयुर्वेद स्वास्थ्य केन्द्र धादिङका प्रमुख डा. अमुल्य दाहालले कार्यक्रममा बोल्दै पाठेघरको मुखको क्यान्सर र स्तन क्यान्सर आयुर्वेद पद्धतिबाट पनि कम गर्ने सकिने बताउनु भयो ।
त्यस्तै नीलकण्ठ नगरपालिकाका स्वास्थ्य शाखा प्रमुख विष्णु रिजालले पाठेघरको मुखको क्यान्सर र स्तन क्यान्सर सम्बन्धि नगरपालिकाले बेला बेलामा निशुल्क स्वास्थ्य शिविर सञ्चालन गर्दै आएको बताउनु भएको छ । उहाँले धादिङ जिल्लामा २० प्रतिशत महिलाहरु २० वर्ष भन्दा कम उमेरमा गर्भवती हुने भएकोले पाठेघरकोे क्यान्सरबाट जोखिम बढ्दै गएको बताउनु भयो ।
