धादिङबेसीमा सम्पन्न भएको निशुल्क स्वास्थ्य शिविरबाट २४० जना लाभान्वित

धादिङ,२० जेठ
जनस्वास्थ्य कार्यालय धादिङको आयोजना र शिवज्योती महिला बचत तथा ऋण सहकारी संस्थाको समन्वयमा शनिवार धादिङबेशीमा नसर्ने रोगहरुको निःशुल्क स्वास्थ्य परिक्षण तथा सचेतना कार्यक्रम सम्पन्न भएको छ । सहकारी संस्थाका अध्यक्ष चमेली बगाले काप्रीको संयोजकत्वमा सहकारी संस्थाको प्राङ्गणमा स्वास्थ्य परिक्षण तथा सचेतना कार्यक्रम सम्पन्न भएको हो ।

स्वास्थ्य परिक्षणमा २४० जनाले सेवा लिएका थिए । शुक्रबार सम्पन्न नसर्ने रोगहरुको परिक्षणमा ६९ जनाको अधिक मोटोपना देखिएको जनस्वास्थ्य कार्यालय धादिङका सुुचना अधिकारी तोयानाथ छत्कुलीले बताउनु भयो।कार्यक्रममा जनस्वास्थ्य कार्यालय धादिङका कार्यालय प्रमुख बिभु कुमार झाले सहभागीहरुलाई नसर्ने रोगहरुको बिषयमा सहजीकरण गर्नुभएको थियो ।