नीलकण्ठ नगर भित्रका अपाङ्गता भएका व्यक्तिहरुलाई लोकल कुखुराको चल्ला वितरण

धादिङ,५ जेठ
नीलकण्ठ नगरपालिका भित्र रहेका अपाङ्गता भएकाहरुलाई आयआर्जनमा सहयोग पु¥याउने उदेश्यले आज कुखुराको चल्ला वितरण गरीएको छ ।अपाङ्गता पुर्नस्थापना समाज धादिङको आयोजना र नीलकण्ठ नगरपालिकाको आर्थिक सहयोगमा अपाङ्गता भएका व्यक्तिहरुको लागि लोकल  कुखुराको चल्ला वितरण गरीएको हो ।
शनिवार एक कार्यक्रमका विच नीलकण्ठ नगरपालिका भित्र रहेका ५७ जना अपाङ्गता भएका व्यक्तिहरुलाई प्रति व्यक्ति १५/१५ गोटाको दरले चल्ला वितरण गरीएको हो । नीलकण्ठ नगरपालिकाका प्रमुख प्रशासकीय अधिकृत पुरुषोत्तम सुवेदीले अपाङ्गता भएका व्यक्तिहरुलाई चल्ला वितरण गर्नुभएको हो ।

अपाङ्गता पुर्नस्थापना समाज धादिङका अध्यक्ष लक्ष्मण पण्डितको अध्यक्षतामा सम्पन्न भएको कार्यक्रममा महिला विकास शाखा प्रमुख उर्मिला थपलिया र सहायक महिला विकास निरिक्षक निर्मला केसीको विशेष आतिथ्यता रहेको थियो । लोकल कुखुराको चल्ला पाएपछि अपाङ्गता भएका व्यक्तिहरु खुसि भएका छन् ।नगरपालिकाले दिएको कुखुरालाई राम्रो सँग हेरचाह गरेर आयआर्जन बढाउने उनीहरुले बताएका छन् ।