नीलकण्ठ नगर भित्रका ईसिडी शिक्षकको तलब बढाईनेः मेयर ढुंगाना

धादिङ,५ जेष्ठ
प्रारम्भिक बालविकास सहजकर्ताहरुको तलब बढाईने नीलकण्ठ नगरपालिकाका नगर प्रमुख भीम प्रसाद ढुंगानाले बताउनु भएको छ । साना बालबालिकाको शिक्षामा महत्वपुर्ण भुमिका खेल्नुहुने बालविकास सहजकर्ताको तलब आगामी आर्थिक बर्षदेखी बढाईने बताउनु भएको हो । आगामी आर्थिक बर्षदेखी बालबाविकास सहजकर्ताको तलब १७ हजार ३ सय पुर्याईने बताउनु भएको हो । बालविकास सहजकर्ताको लागि आयोजित दोस्रो चरणको शैक्षिक सामाग्री निमार्ण तथा क्षमता विकास तालिमलाई सम्बोधन गर्नुहुदै उहाँले नगरपालिकाले आगामि आर्थिक बर्षदेखी तेईस सय थपिदिने बताउनु भएको हो ।

न्युनतम पारिश्रमिक उपलब्ध गराउनको लागि नगरपालिका तयार रहेको बताउनुभयो । संघबाट बालविकास सहजकर्ताको लागि तलब बढेर नआएपनि त्यसको व्यवस्थापन नगरपालिकाले गर्ने बताउनुभयो ।नीलकण्ठ नगरपालिकाले शिक्षा क्षेत्र सुधारको लागि काम गरीरहेको भन्दै उहाँले नगरको अभियानलाई सहयोग गर्नको लागि आग्रह गर्नुभयो । कक्षा १२ सम्मको शिक्षा निःशुल्क गरेको भन्दै उहाँले सामुदायिक विद्यालयको शिक्षा सुधार गर्नको लागि आफुले काम गरीरहेको बताउनुभयो ।यसैगरी कार्यक्रममा प्रमुख प्रशासकीय अधिकृत पुरुषोत्तम सुवेदीले सिकेको कुराहरु व्यवहारमा लागु गर्नको लागि आग्रह गर्नुभयो । नीलकण्ठ नगरपालिकाको शिक्षालाई नमुना बनाईने गरी काम सुरु गरेको भन्दै सुवेदीले नीलकण्ठको पहिलो प्राथमिकता शिक्षा क्षेत्रमा परेको बताउनुभयो ।

नीलकण्ठ नगरपालिका र बागमती प्रदेश सरकारको विशेष कार्यक्रम अन्तरर्गत दोस्रो चरणको पाचँ दिने क्षमता विकास तालिम आज समापन भएको छ ।५५ जनाको सहभागिता रहेको तालिममा प्रशिक्षक अनिता शर्मा र भगवती थापाले सहजीकरण गर्नुभएको थियो ।नीलकण्ठ नगरपालिकाका प्रमुख प्रशासकीय अधिकृत पुरुषोत्तम सुवेदीको अध्यक्षतामा सम्पन्न भएको कार्यक्रममा नगर प्रमुख भीम प्रसाद ढुंगानाको प्रमुख आतिथ्यता रहेको थियो । कार्यक्रममा शिक्षा शाखा प्रमुख प्रकाश दत्त भट्ट,शिक्षा शाखाका कृष्ण लम्साल लगायतको आतिथ्यता रहेको थियो ।तालिममा शैक्षिक सामग्री निर्माण र कक्षा कोठामा खेलद्धारा सिकाइ कसरी गर्न सकिन्छ, कक्षा कोठामा कसरी बालबालिकालाई व्यबहार कुशल सिप कसरी बिकास गर्न सकिन्छ,प्रारम्भिक बालविकास भनेको के हो?,यसको अवधारणा, पक्षहरु र प्रारम्भिक बालविकासका तत्वहरुको बारेमा जानकारी गराउनुका साथै शैक्षिक सामाग्री निमार्ण गराईएको थियो ।