रामकोटमा सम्पन्न आँखा शिविरबाट २४९ जना लाभान्वित,३२ जनामा मोतियाविन्दुको समस्या

धादिङ,५ जेठ
नीलकण्ठ नगरपालिका वडा नं ८ मा सम्पन्न एक दिने निःशुल्क आँखा शिविरमा २४९ जनाले आँखा परिक्षण गराएका छन्। तिलगंगा आँखा प्रतिष्ठान काठमाडौँ, तिलगंगा शल्यक्रिया आँखा केन्द धादिङको आयोजनामा तथा जनस्वास्थ्य कार्यालय धादिङ र गैर सरकारी संस्था महासंघ धादिङको प्राबिधिक सहयोग तथा नीलकण्ठ नगरपालिका वडा नं ८ को सहकार्यमा सञ्चालन भएको शिविरमा २४९ जनाले आँखा परिक्षण गराएका छन्।

जसमध्ये ३२ जनामा मोतिविन्दु समस्या देखापरेको तिलगंगा सर्जिकल आँखा केन्द्र धादिङका प्रमुख सुपेन्द्र ताम्राकारले जानकारी दिनुभयो । शिबिरबाट आँखा परिक्षण तर्फ २४९ जनाको( महिला १८३ र पुरुष ६६ छन भने १५३ जना ५० बर्ष माथिका हुनुहुन्छ )जाँच गरियो भने ३२ जनाको मोतियाबिन्दुको अप्रेसन गर्नु पर्ने बिरामिको पहिचान भएको छ । स्वास्थ्य परिक्षण शिविर तर्फ २२८ जानाको सुगर प्रेसर युरिन परिक्षण गरीएको छ । मोतिबिन्दु भएका बिरामीको जेठ ७ र ८ गते तिलगंगा सर्जिकल आँखा केन्द धादिङबेशीमा निःशुल्क शल्यक्रिया गरिने छ ।