ज्वालामुखी गाउँपालिकाको मैदीमा उत्पादन हुन थाल्यो ढाका,अचार र दुना टपरी

धादिङ,२४बैशाख
धादिङको ज्वालामुखी गाउँपालिका वडा नम्बर २ मैदीमा ढाकाका सामाग्री,अचार र दुना टपरी उत्पादन सुरु भएको छ ।मैदीका महिलाहरु समुहमा आवद्ध भई सामुहिक उत्पादनमा लाग्नु भएको हो ।आर्थिक बर्ष २०८०/०८१ सालको गाउँपालिकाको उद्यम विकास तालिम तथा प्रविधि हस्तान्तरण कार्यक्रम अन्तरगत महिलालाई सिप र प्रविधि हस्तान्तरण गरीएको वडा अध्यक्ष राजु लोप्पाले जानकारी दिनुभयो ।

महिलाहरुलाई स्वरोजगारी बनाई आर्थिक उपार्जनमा सहयोग पुर्याउने उदेश्यले कार्यक्रम सुरु गरीएको वडा अध्यक्ष लोप्पाले नीलकण्ठ एफएमलाई जानकारी दिनुभयो । यसअघि १० जना महिलाहरुलाई एक सय दिनको तालिम दिईएको थियो । एक सय दिनको तालिम लिएपछि अहिले १० जना महिलाहरुले ढाका बस्तुहरु उत्पादन गर्न थाल्नु भएको गाउँपालिकाका अध्यक्ष यमनाथ दनैले बताउनुभयो ।

महिला शसक्तिकरण र गाउँमै स्वरोजगारी बनाउने उदेश्य अनुरुप गाउँपालिकाको योजना अनुसार तालिम र प्रविधि हस्तान्तरण गरीएको दनैले बताउनुभयो ।आफु अध्यक्षमा निर्वाचित भईसकेपछि गाउँपालिकाको समृद्धी कसरी गर्न सकिन्छ भन्ने सोचका अनुसार विभिन्न कार्यक्रमहरु सन्चालन गरीरहेको बताउनुभयो ।
अन्य वडाहरुमा पनि यस्तै प्रकारको मागमा आधारित तालिमहरु सन्चालन गरिने पनि अध्यक्ष दनैले नीलकण्ठ एफएमलाई बताउनुभयो ।

अहिले वडा नम्बर २ मा ४५ जना महिलाहरु मिलेर दुना टपरी बुन्नु भएको छ भने पाँच जना महिलाहरुले अचार उत्पादन गरीसक्नु भएको छ । गाउँमै उत्पादन भएको बस्तुहरु खरिद गरी महिलाहरुलाई हौसला दिनको लागि पनि गाउँपालिकाका अध्यक्ष यमनाथ दनैले आग्रह गर्नुभएको छ।आगामी आर्थिक बर्षमा पनि अन्य वडाहरुमा पनि महिला तथा युवाहरुलाई रोजगारी सृजना खालको कार्यक्रमहरु लैजाने दनैले बताउनुभयो। गाउँपालिकाबाट बिनियोजित २० लाखको रुपँैयाबाट तालिम सहित प्रविधि हस्तान्तरण गरीएको हो ।