समानीकरणको अनुदान कटौती नगर्न नगर प्रमुख ढुंगानाद्धारा सरकारको ध्यानाकर्षण

धादिङ,२३ बैशाख
नेपाल नगरपालिका संघका अध्यक्ष एवं नीलकण्ठ नगरपालिकाका नगर प्रमुख भीम प्रसाद ढुंगानाले समानिकरणको अनुदान कटौती नगर्न सरकारको ध्यानाकर्षण गराउनुभएको छ । संझौता भएर काम भईसकेका योजनाहरूको भुक्तानी गर्ने बेलामा कटौती गर्ने कुरा स्विकार गर्न नसकिने बताउनुभयो ।आईतबार संघीय मामिला तथा सामान्य प्रशासन मन्त्रालयले गरेको स्थानीय तहको प्रगति अनुगमन प्रणालीको शुभारम्भ समारोहलाई संवोधन गर्दै यस्तो बताउनुभएको हो ।

स्थानीय सरकारलाई संविधानत अधिकार दिलाउन संघिय मामिला मन्त्रालयले नेतृत्व गर्न आग्रह गर्दै उहाँले प्रमुख प्रशासकिय अधिकृतको सरूवामा मात्र नरमाउन पनि आग्रह गर्नुभयो ।कार्यक्रममा संघीय मामिला तथा समान्य प्रशासन मन्त्रि भानुभक्त जोशी, संघिय मामिला मन्त्रालयका सचिव मुकुन्द निरौला, विभिन्न नगरपालिकाका नगर प्रमुख, मन्त्रालयका उच्चपदस्थ कर्मचारीको सहभागिता रहेको थियो ।