बनमा डढेलो लगाउने विरुद्ध सुचना दिनेलाई उचित पुरस्कारको व्यवस्था

धादिङ,१२ बैशाख
बनमा आगो नलगाउन डिभिजन वन कार्यालय धादिङले अपिल गरेको छ । जथाभावी बनमा डंढेलो लगाउदा ठुलो धन जनको क्षती हुने र बन मासिने हुँदा बनमा आगो नलागाउन अपिल गरेको हो ।आज एक सुचना प्रकाशित गरी डिभिजन वन कार्यालयले बन जोगाउनु हामि सबैको कर्तव्य भएको जनाएको छ। अहिले जताततै वन डढेलोले अत्यन्त ठुलो नोक्सानी भएको छ,वन डढेलो वनका अपराधीले जानीजानी लगाएको पाइएको छ, वन डढेलो दण्डनीय अपराध हो सुचनामा भनिएको छ ।

वन डढेलो लगाए वन ऐन अनुसार क्षति असुली गरि ३ बर्ष सम्म कैदको प्रावधान रहेको भन्दै डढेलो लगाउन बिरुद्ध जानकारी दिन समेत डिभिजन बन कार्यलयले सबैलाई अनुरोध गरेको छ ।बन जोगाउनु सचेत नागरिकको दायित्व भएको भन्दै बनमा डढेलो लगाएको भेटिए तत्काल प्रहरी कार्यालयमा फोन गर्न समेत आग्रह गरीएको छ । बनमा डढेलो लगाएको व्यक्ती बिरुद्ध सुचना दिए उचित पुरस्कारको व्यवस्था समेत गरीएको डिभिजन वन कार्यालय धादिङले जनाएको छ ।