अन्तराष्ट्रिय श्रमिक दिवसको अवसरमा खाल्टेको फ्याक्सेमा अन्तरक्रिया कार्यक्रम सम्पन्न

धादिङ,१९ बैशाख
अन्तराष्ट्रिय श्रमिक दिवसको अवसरमा नीलकण्ठ नगरपालिका वडा नम्बर ५ फ्याक्सेमा अन्तरक्रिया तथा स्वास्थ्य परिक्षण कार्यक्रम सम्पन्न भएको छ ।नीलकण्ठ नगरपालिका वडा नम्बर ५ का वडा अध्यक्ष रामकुमार श्रेष्ठको अध्यक्षतामा सम्पन्न भएको कार्यक्रममा वडा भित्रका ११२ जनाको सहभागिता रहेको थियो।रोयम नेपालको आयोजनामा सम्पन्न भएको कार्यक्रममा स्वरोजगार र श्रमिकहरुको हक अधिकारको विषयमा छलफल भएको वडा अध्यक्ष रामकुमार श्रेष्ठले जानकारी दिनुभयो।कार्यक्रमकै अवसर पारेर कार्यक्रममा सहभागीहरुको स्वास्थ्य परिक्षण समेत गरीएको थियो ।