ज्वालामुखी गाउँपालिका पुर्ण खोप पालिका घोषणा

धादिङ,१४ बैशाख 
ज्वालामुखी गाउँपालिकालाई आज पुर्ण खोप पालिका घोषणा गरिएको छ । शुक्रबार एक कार्यक्रमकोबिच पालिकालाई पुर्ण खोप घोषणा तथा दिगोपना सुनिश्चितता कार्यक्रम सम्पन्न भएको हो ।सम्पुर्ण वडालाई पुर्ण खोप वडा घोषणा गरेपछि आज पालिकालाई पुर्ण खोप घोषणा गरीएको गाउँपालिकाका स्वास्थ्य शाखा प्रमुख सुजन श्रेष्ठले जानकारी दिनुभयो।

ज्वालामुखी गाउँपालिका पालिका खोप समन्वय समितिका संयोजक तथा ज्वालामुखी गाउँपालिकाका अध्यक्ष यमनाथ दनैको अध्क्षतामा भएको कार्यक्रममा जनस्वास्थ्य कार्यालय धादिङका प्रमुख एंव जिल्ला खोप समन्वय समितिका सदस्य– सचिव विभु कुमार झाको प्रमुख आतिथ्यता रहेको थियो ।स्थानिय श्रोतको उपयोग, स्वामित्व र सहभागिता, पुर्णखोप सुनिश्चितता – हाम्रो प्रतिवद्धता भन्ने मुल नाराका साथ पुर्णखोप सुनिश्चितता निर्देशिका २०७१, (संशोधन, २०७७) बमोजिम ज्वालामुखी गाउँपालिकालाई पुर्ण खोप सुनिश्चितता वडा तथा पालिका घोषणा कार्यक्रम सम्पन्न गरिएको हो ।

ज्वालामुखी गाउँपालिकाका अध्यक्ष यमनाथ दनैले पुर्णखोपलाई निरन्तर रुपमा सम्पन्न र सफल गर्नको निमित महिला स्वास्थ्य स्वयमसोविकाहरुको ठुलो भुमिका रहेको भन्दै धन्यवाद दिनुभयो । उहाँले आगामी दिनमा पनि नयाँ जन्मेका बालबालिकाहरुको खोजि गरि पुर्ण खोप दिन दत्तचित भएर लाग्न गाउपालिका भित्रका स्वाथ्य क्षेत्रमा काम गर्ने कर्मचारीहरुलाई आग्रह गर्नु भएको छ । यसैगरी कार्यक्रममा प्रमुख चिव विभु कुमार झाले धार्मिक तथा भौगोलिक हिसाबले छुटेका बालबालिकाहरुलाई समेट्ने गरि कार्यक्रम ल्याएको बताउनुभयो। ज्वालामुखी गाउँपालिकाले स्वास्थ्य क्षेत्रमा विभिन्न नमुना कार्यक्रम सन्चालन गर्दै आईरहेको छ ।