खम्रेकिरा नियन्त्रण गर्न गजुरी राक्सिङमा किसानको बारीमा बत्ति

धादिङ,१३ बैशाख
लामो समय देखि खुम्रेकिराको प्रकोपका कारण खाद्य अभाव झेलिरहेका गजुरी गाउँपालिका–३ पुराक्सिङवासीको सवाल सम्वोधन गर्न वारीमा बत्ती जडान गरिएको छ । गजुरी गाउँपालिकाको आर्थिक सहयोग, कृषि शाखाको प्राविधिक सहयोग र फियान नेपालको सहकार्यमा पुराक्सिङ खाद्य अधिकार प्रभावित समूहको पैरवी योजना तर्जुमा तथा सवाल हस्तान्तरण र लाईट ट्रयाप कार्यक्रम उद्धघाटन गरिएको हो ।“बाँच्न पाउने अधिकारको आधार ः खाद्य अधिकार“ भन्ने नाराका साथ गजुरी गाउँपालिकाका अध्यक्ष गणेशलाल श्रेष्ठले उद्धघाटन गर्नुभएको हो ।

गजुरी–३ को पुराक्सिङमा पिछडिएको चेपाङ र तामाङ जातिको ३२ घरधुरीलाई बिजुली बत्ती बाल्न पहल गरेर सफल भएको अध्यक्ष श्रेष्ठले बताउनुभयो ।साथै जिल्ला कै पहिलो कार्यक्रम खुम्रेकिरा नियन्त्रणका लागि गाउँपालिकाबाट पाँच लाख बजेट छुट्याएर काम गर्न सफल भएको बताउनुभयो । अब आउने दिनहरुमा कृषि क्षेत्रलाई जोड दिदैँ जाने अध्यक्ष श्रेष्ठले प्रतिवद्धता जनाउनुभएको छ ।

विद्युतीय पासो अर्थात बत्तीमा खुम्रेकिराको माउ खपटे किरा आउने र बेगमा आएको खपटे बत्तीमा ठोकिने वा पखेटा जलेर भुईमा खस्ने भएकाले बत्तीको बाटामा पानी राखेर किरा पार्न निरन्तर कार्य गरिरहनु पर्ने भएकाले जग्गाधनीले विषेष ध्यानपूर्वक काम गर्नुपर्ने कृषि प्राविधिक अहोक श्रेष्ठले जानकारी दिनु भयो। ३२ घर परिवार रहेको पुराक्सिङमा खुम्रेकिरा नियन्त्रण गर्न १६० वटा विद्युतीय पासो जडान गरिएको बारीका पाटामा बत्ती बालिएको छ ।

कार्यक्रममा गाउँपालिकाका उपाध्यक्ष शर्मिला बिसुराल, गजुरी गाउँपालिका वडा नं २ का वडा अध्यक्ष द्रोण कडेल, गजुरी ७ का वडा अध्यक्ष बद्री प्रसाद जम्कटेल, कृषि शाखाका प्राविधिक अशोक श्रेष्ठ, पशु शाखाका सन्देश श्रेष्ठ, समाजसेवी चेलिमाया तामाङ र फियान नेपालका राजेन्द्र बस्नेत लगायतको उपस्थिति रहेको थियोे ।