प्राज्ञिक विद्यार्थी परिषद नेपालको नीलकण्ठ क्याम्पस एकाइ समितिको संयोजकमा विपना पोखरेल चयन

धादिङ,७ बैशाख
प्राज्ञिक विद्यार्थी परिषद,नेपाल नीलकण्ठ नगर एकाइको आयोजनामा नीलकण्ठ क्याम्पस एकाइ समिति गठन गरिएको छ । प्राज्ञिक विद्यार्थी परिषद,नेपाल नीलकण्ठ नगर एकाइका अध्यक्ष दिपक सिटौलाको अध्यक्षतामा सम्पन्न भएको कार्यक्रममा परिषदका राष्ट्रिय महासविच विष्णु प्रसाद पंगेनीको प्रमुख आतिथ्यता रहेको थियो ।

कार्यक्रममा नीलकण्ठ बहुमुखी क्याम्पसका सहायक क्याम्पस प्रमुख डा. मुरारी अधिकारी र यसै परिषदका बागमती प्रदेश अध्यक्ष बद्री प्रसाद कोइरालाको विशेष आतिथ्यता रहेको थियो ।अतिथीहरुमा परिषदका बागमती प्रदेश सदस्य डा. मोहन बहादुर कडेल,प्रदेश सदस्य दिवाकर लम्साल र पुर्व केन्द्रिय सदस्य डा. नविन बन्धु पहाडी(दाहाल)को आतिथ्यता रहेको थियो ।

भेलाले बिपना पोखरेलको संयोजकत्वमा २१ सदस्यीय नीलकण्ठ क्याम्पस एकाइ समिति गठन गरीएको छ । नवगठित क्याम्पस एकाइ समितिको सह संयोजकमा विनिता थापा मगर र सन्तोष श्रेष्ठ रहनुभएको छ । यसैगरी सचिवमा रन्जिता परियार,छात्रा प्रमुखमा स्नेहा श्रेष्ठ,सह छात्रा प्रमुखमा सुजता कोईराला र कोषाध्यक्षमा रविन अधिकारी चयन हुनुभएको छ।