धादिङमा भोली ( बैशाख ८ गते) यी स्थानमा विद्युत सेवा अबरुद्ध हुने(सुचना सहित)

धादिङ,७ बैशाख

भोली बैशाख ८ गते धादिङमा विद्युत सेवा  अबरुद्ध हुने भएको छ । नेपाल विद्युत प्राधिकरण धादिङ वितरण शाखाले एक सुचना प्रकाशित गर्दै भोली विद्युत सेवा अवरुद्ध हुने बारे जानकारी गराएको हो । देविघाट सवस्टेशनदेखी रातमाटे हुदै धादिङ आएको ३३ के.भि प्रशारण लाईनको तारुकामा मर्मत गर्ने र तारुकाघाटदेखी धादिङबेसी हुदै सल्यान्टार सवस्टेशन गएको ३३ केभि प्रसारण लाईनको नजिक रहेको रुखका हागाविङ्गा काट्नुपर्ने भएकोले विहान १० बजेदेखी अपराह्न ५ बजेसम्म विद्युत नआउने प्राधिकरणले जनाएको छ ।

भोली शनिवार नीलकण्ठ नगरपालिका,सिद्धलेक गाउँपालिकाको वडा नम्बर १ र २ वडा, ज्वालामुखी गाउँपालिका,नेत्रावती डबजोङ गाउँपालिका,गंगाजमुना गाउँपालिका,त्रिपुरासुन्दरी गाउँपालिका र गोरखाको आरुघाट गाउँपालिकामा विद्युत सेवा अवरुद्ध हुने प्राधिकरणले जनाएको छ ।