पत्रकार अर्जुन श्रेष्ठ र राजाराम डंगोल सम्मानित

धादिङबेशी । धादिङका पत्रकार अर्जुन श्रेष्ठ र राजाराम डंगोल सम्मानित भएका छ्न् । प्रेस चौतारी नेपाल जिल्ला समिति धादिङले २५ औ साधारणसभाको अवसरमा प्रदान गरेको प्रेस चौतारी क्रियाशिल पत्रकारिता पुरस्कारबाट पुरस्कृत भएका हुन् ।

प्रेस चौतारी धादिङले निजहरुलाई नागरिकको सूचनाको हक एवं अभिव्यक्ति स्वतन्त्रता रक्षाका लागि उल्लेखनीय योगदान पु¥याउदै आएको भन्दै क्रियाशिल पत्रकारिता पुरस्कार प्रदान गरिएको हो । श्रेष्ठ २०६७ सालदेखि सक्रिय पत्रकारितामा रहेका छन् । श्रेष्ठ हाल नयाँ पत्रिका राष्ट्रिय दैनिकका जिल्ला संवाददाता, रेडियो धादिङका कार्यक्रम संयोजक र नेपालपथ डटकमका सम्पादक हुन् ।

डङ्गोल कृषि रेडियोको कार्यक्रम संयोजक र टोलटोलको खबर डटकमको संचालक हुन् । पुरस्कृत श्रेष्ठ र डंगोललाई नगदसहित सम्मान–पत्र र दोसल्ला ओडाएर सम्मान गरिएको थियो ।