लायन्स क्लव अफ धादिङ भैरवीद्धारा स्टेशनरी तथा वासिङ मेसिन हस्तान्तरण

धादिङबेशी । धादिङमा बिधिबत रुपमा चार्टर हुनै लागेका लायन्स क्लव अफ धादिङ भैरवीेले आज एक कार्यक्रमको आयोजना गरि नीलकण्ठ–८मा रहेको स्वाबलम्बी बहिरा आधारभुत विद्यालयलाई स्टेशनरी तथा वासिङ मेसिन हस्तान्तरण गरेको छ ।

आफुले आर्जन गरेको रकमको केहि प्रतिशत रकम सामाजिक कार्यमा लगाउने उदेश्यका साथ क्लवमा आवद्ध चार्टर सदस्यहरु मिलि उक्त बिद्यालयलाई आवश्यक पर्ने वासिङ मेसिन र बिद्यार्थीहरुलाई आवश्यक स्टेशनरी तथा खेलकुदका सामाग्री सहयोग गरिएको हो ।
झण्डै एकलाख बराबरको वासिङ मेसिन र दश हजार बराबरको कापी,डटपेन,पेन्सिल,ईलेरेजर लगाएत स्टेशनरी र स्पीकिङ डोरी,फुटबल लगाएत खेलकुदका सामाग्री हस्तान्तरण गरिएको क्लबका सचिव सुजन श्रेष्ठले बताउनु भयो ।

सहयोग सामाग्री हस्तान्तारण कार्यक्रममा बागमती प्रदेशका सांसद गोविन्द लम्साल, वडा अध्यक्ष प्रकाशकुमार श्रेष्ठ, शितल छहारी नेपालका अध्यक्ष तथा लायन्स क्लव अफ धादिङ भैरवीका अध्यक्ष कृष्ण बद्री पौडेल लगाएत क्लबमा आवद्ध सदस्यहरुको उपस्थिति रहेको थियो ।
धादिङ जिल्लामा सामाजिक कार्य गर्ने उदेश्यले लायन्स क्लब अफ काठमाण्डौ जुपिटर बाट चार्टर भई स्थापित लायन्स क्लव अफ धादिङ भैरवीमा पुर्व कर्मचारीहरु, राष्ट्रसेवक कर्मचारीहरु, शिक्षक, युवा ब्यवसायी तथा पत्रकारहरु आवद्ध रहेका छन् ।

हस्तान्तरण समारोहमा बिद्यालयलाई अत्याबश्यकीय सामाग्री हस्तान्तरणले आफु ज्यादै खुसी भएको बिद्यालयका ब्यवस्थापन समितिका अध्यक्ष रमेश दाहाल तथा बिद्यालयका प्र.अ. राम प्रसाद अधिकारीलेले बताउनु भयो । सहयोग सामाग्रीले बिद्यार्थी र बिद्यालय दुवैलाई राहत पुगेको र आगामी दिनमा पनि सहयोगको अपेक्षा उहाँहरुको धारणा थियो ।

हस्तान्तरण समारोहलाई सम्बोधन गर्दै बागमती प्रदेशका सांसद तथा नेपाली काग्रेसका प्रमुख सचेतक गोविन्द लम्सालले सहयोगी संस्थाहरुलाई धन्यावाद प्रकट गर्दै धादिङ जिल्लाको बिकासका निम्ती आफु अहोरात्र खटिरहेको बताउनु भयो । उहाँले आफुले गर्नुपर्ने बिकासमा र कामकारबाहिमा अग्रिम जानकारी गराईदिन समेत धादिङबासीलाई आह्वान गर्नु भएको छ ।

त्यसैगरी नीलकण्ठ नगरपालिका वडा न ८ का वडा अध्यक्ष प्रकाश कुमार श्रेष्ठले सहयोगीदाताहरुलाई धन्यावाद प्रकट गर्दै आफु पनि वडाको समग्र बिकासमा लागी रहेको बताउनु भयो । उहाँले आगामी दिनमा वडाको स्वास्थ्य,खानेपानी, शिक्षा र बिकास निर्माणमा फड्को मार्ने गरि कार्य सम्पादन गरिरहेको बताउनुु भयो ।

कार्यक्रममा शितल छहारी नेपालका अध्यक्ष तथा लायन्स क्लव अफ धादिङ भैरवीका अध्यक्ष कृष्ण बद्री पौडेलले आफुले बिगतमा पनि बिभिन्न माध्यामबाट बिद्यालयमा आवश्यक पर्ने सामाग्री सहयोग गरिरहेको र आगामी दिनमा पनि सहयोग सामाग्री हस्तान्तरण कार्यलाई निरन्तरता दिने बताउनु भयो । उहाँले लायन्स क्लव अफ धादिङ भैरवीले धादिङ जिल्लामा सामाजिक क्षेत्रमा छुट्टै पहिचान बनाएर अगाडी बढ्ने समेत बताउनु भयो ।

कार्यक्रमलाई शितल छहारी नेपाल र लायन्स क्लब अफ काठमाण्डौ जुपिटरले समेत सहयोग गरेको थियो । हाल कक्षा ६ सम्म संचालन रहेको र सांकेतिक भाषामा पठन पाठन हुने स्वाबलम्बी बहिरा आधारभुत विद्यालयमा ३६ जना बिशेष क्षमता भएका बिद्याथीहरु अध्ययनरत छन् ।