आप्रवासी श्रमिक सञ्जालको लागि आयोजित दुई दिने संस्थागत क्षमता विकास सम्बन्धी तालिम सम्पन्न

धादिङ,२२ चैत
आप्रवासी श्रमिक सञ्जालका पदाधिकारीहरुको लागि आयोजित दुई दिने संस्थागत विकास सम्बन्धी तालिम बुधबार सम्पन्न भएको छ।नीलकण्ठ नगरपालिकाको आयोजनामा सम्पन्न भएको क्षमता विकास तालिममा सुरक्षित आप्रवासन सामी कार्यक्रम सन्चालन भएका जिल्लाकाका आप्रवासी सञ्जालका अध्यक्ष,कोषाध्यक्ष,सचिव र एक जना सदस्यहरुको सहभागिता रहेको थियो।आप्रवासी कामदार हकहित संरक्षण केन्द्र धादिङका अध्यक्ष मायानाथ सिलवालको अध्यक्षतामा सम्पन्न भएको तालिममा नीलकण्ठ नगरपालिकाका प्रमुख प्रशासकीय अधिकृत पुरुषोत्तम सुवेदीको प्रमुख आतिथ्यता रहेको थियो ।

कार्यक्रममा सामी हेल्भेटास नेपालका कार्यक्रम अधिकृत भोजराज सुनुवार,भागिराम थारुको आतिथ्यता रहेको थियो । कार्यक्रमलाई सम्बोधन गर्नुहुदै कार्यक्रमका प्रमुख अतिथी पुरुषोत्तम सुवेदीले बैदेशिक रोजगारलाई सुरक्षित,मर्यादित र लाभदायी बनाउनको लागि सञ्जालले टोल स्तरमा गएर सुचना प्रवाह गर्नुपर्ने बताउनुभयो । बैदेशिक रोजगारलाई रोक्न नसकिने भन्दै उहाँले सुरक्षित बनाउनको लागि तिनै तहका सरकारले काम गर्नुपर्ने बताउनुभयो ।

कार्यक्रममा प्रशिक्षक भोजराज सुनुवारले आप्रवासी श्रमिक सञ्जालको मुख्य सरोकारवालाहरु के के हुन्,आप्रवासी हकहित सरक्षण मन्चको व्यवस्थापन पक्षहरु,समुहमा काम गर्दा आउने विवादहरुको विषयमा कसरी काम गर्ने लगायतको विषयमा सहिजकरण गर्नुभएको थियो।यसैगरी प्रशिक्षक भागीराम थारुले नेता र नेतृत्व तथा यसका गुणहरु,बैदेशिक रोजगारको वर्तमान अवस्था र चुनौतीको विषयमा सहजिकरण गर्नुभएको थियो ।

यसैगरी कार्यक्रम संयोजक दिनेश दुवाडीले बैदेशिक रोजगारमा हुने ठगी र कानुनी उपचारहरुको विषयमा सहभागीहरुलाई जानकारी गराउनु भएको थियो । कार्यक्रममा सामी कार्यक्रमका सामाजिक परिचालन अधिकृत सम्झना भण्डारीले सामाजिक परिचालन भनेको के हो ?आप्रवासी श्रमिक सञ्जालको काम र आगामी रणनीतिको विषयमा सहजिकरण गर्नुभएको थियो ।