धादिङमा चैत २९ गतेदेखि जिल्ला स्तरीय पुरुष कबड्डी प्रतियोगिता हुने

धादिङ,१९ चैत
धादिङमा चैत २९ गतेदेखि जिल्लास्तरीय पुरुष कबड्डी प्रतियोगिता हुने भएको छ । विल्केश्वर युवा क्लबको आयोजनामा गल्छी गाउँपालिका–२ बेलिनीटारमा चैत २९ गते देखि २०८१ बैशाख १ गतेसम्म कबड्डी प्रतियोगिता हुने भएको हो । नयाँ बर्ष २०८१ को अवसर पारेर आयोजना गर्न लागिएको प्रतियोगिताको प्रथम पुरस्कार ३० हजार, द्वितिय १५ हजार र तृतिय पुरस्कार ७ हजार नगद सहित ट्रफी, मेडल, प्रमाण पत्र रहेको छ । साथै बेस्ट रेडर, बेस्ट डिफेण्डरलाई पनि सम्मान गरिने बताउनुभयो ।

प्रतियोगितामा जिल्लाको जुनसुकै स्थान बाट पनि सहभागी हुने पाउने तर खेलाडीहरु भने जिल्ला भित्रकै हुनुपर्ने आयोजकले जनाएको छ । सहभागि हुनको लागि चैत्र २६ गतेसम्म टिम दर्ता गर्नुपर्ने छ । खेलमा समावेश हुने सम्पूर्ण खेलाडीहरुको पचास हजार सम्मको बिमा गरिने आयोजकले जनाएको छ ।