दामगाडेमा अस्थाई प्रहरी पोष्ट भवनको शिलान्यास

धादिङ,१४ चैत 
नीलकण्ठ नगरपालिका वडा नम्बर १२ दामगाडेमा अस्थाई प्रहरी पोष्ट भवनको शिलान्यास गरीएको छ ।मंगलबार एक कार्यक्रमका बिच वडा नम्बर १२ का वडा अध्यक्ष धर्मराज भण्डारी(राजकुमार)ले शिलान्यास गर्नुभएको हो । वडामा हुने आपराधिक घट्ना न्युनीकरण गर्ने र शान्ति सुव्यवस्था कामय गर्ने उदेश्यले केहि समय अघि अस्थाई प्रहरी पोष्ट स्थापना गरीएको थियो ।

नीकलण्ठ नगगरपालिकाको १० लाख रुपैँयाको लागतमा चार कोठे भवन निर्माण गर्न लागिएको वडा अध्यक्ष भण्डारीले बताउनुभयो ।चालु आर्थिक बर्ष भित्रमा सम्पन्न गर्ने लक्ष्य साथ भवनको शिलान्यास गरीएको हो ।असईको नेतृत्वमा ५ जना प्रहरी कर्मचारीको दरबन्दी रहेको छ। दागाडेमा अस्थाई प्रहरी पोष्ट स्थाना भएपछि आपराधिक क्रियाकलापमा कमी आएको वडा अध्यक्ष भण्डारीले बताउनुभयो।