नेपाली काँग्रेसका केन्द्रिय सदस्य श्याम घिमिरेद्वारा रामकोटमा आरोहण शिक्षालयको उद्घाटन

धादिङ,८ चैत ।
धादिङको नीलकण्ठ नगरपालिका वडा नम्बर ८ रामकोट हटियामा आरोहण शिक्षालयको उद्घाटन गरीएको छ । Eternal Hope  संस्थाको सहयोगमा निर्माण गरीएको Acadamy For Skill and Career Education For Nepalese Development   को आज एक कार्यक्रमका बिच नेपाली काँग्रेसका केन्द्रिय सदस्य,लेखा समिति संयोजक तथा संघीय सांसद श्याम घिमिरेले गर्नुभएको हो । Eternal Hope USA,Eternal Hope Nepal चितवनको आर्थिक सहयोगमा निर्माण गरीएको शिक्षालयको बिहिबार एक कार्यक्रमको बिच उद्घाटन गरीएको हो ।

शिक्षालयको उद्घाटन गर्नुहुदै श्याम घिमिरेले बैदेशिक रोजगारीमा युवाहरु पलायन भईरहेको अवस्थामा यस्तो प्रकारको शिक्षालय निर्माणले स्वदेशमै केहि गर्नको लागि युवाहरुलाई उत्प्रेरणा मिल्ने बताउनुभयो । सिप युक्त नागरिकहरुले जीवनमा दुख कहिल्यै नपाउने भन्दै उहाँले अब सिप र सृजनासँग जोड्नुपर्ने बताउनुभयो । यसैगरी उहाँले नीलकण्ठ नगरपालिकाको विकास देखेर आफुलाई खुसि लागेको बताउनुभयो । नीलकण्ठको मेयर आफैमा क्षमतावान र विकास प्रेती नेता भएको भन्दै घिमिरेले नीलकण्ठबाट धेरैले पाठ सिक्नुपर्ने बताउनुभयो । यसैगरी कार्यक्रमलाई सम्बोधन गर्नुहुदै विशेष अतिथी मेयर भीम प्रसाद ढुंगाले नीलकण्ठ नगरपालिकाको विकासलाई आफुले केन्द्र विन्दुरमा रोखर काम गरीरीरहेको बताउनुभयो।

नगरपालिकाको बजेट भन्दा पनि विभिन्न दातृ नियहरुबाट करोडौँ रुपँैया ल्याएर काम गरीरहेको बताउनुभयो । संघ र प्रदेशबाट आउने बजेटबाट मात्र काम गरेको भए यति विकास हुन अझै धेरै बर्ष लाग्ने बताउनुभयो । दातृ नियकाहरु नीलकण्ठमा काम गर्नको लागि खुसि हुने भन्दै उहाँले व्यक्तिगत चिनजानकै आधारमा विदेशीहरुले लगानी गरीरहेको बताउनुभयो । वडा नम्बर ८ वडा अध्यक्ष प्रकाश कुमार श्रेष्ठको अध्यक्षतामा सम्पन्न भएको उद्घाटन भएको कार्यक्रममा नेपाली काँग्रेसका केन्द्रिय सदस्य तथा लेखा समिति संयोजक श्याम घिमिरेको प्रमुख आतिथ्यता रहेको थियो ।

कार्यक्रममा नेपाल नगरपालिका संघका केन्द्रिय अध्यक्ष तथा नीलकण्ठ नगरपालिकाका मेयर भीम प्रसाद ढुंगाना,उप मेयर दिपक विश्वकर्माको विशेष आतिथ्यता रहेको थियो । कार्यक्रममा नीलकण्ठ नगरपालिकाका प्रमुख प्रशासकिय अधिकृत पुरुषोत्तम सुवेदी,नेत्रावती डबजोङ गाउँपालिकाका उपाध्यक्ष सितामायाँ गुरुङ,नेपाली काँग्रेसका नेतृ देवी बुर्लाकोटी,नेपाली काँग्रेसका युवा नेता गोपाल विश्वकर्मा,दिपक कोईराला,एक्सन नेपालका अध्यक्ष कमल ढुंगाना लगायतको आतिथ्यता रहेको थियो ।

उक्त संस्थाले हाललाई तिन करोड रुपैँयामा बराबरको नगद सहयोग गर्नेछ । निर्माण गरिएको उक्त केन्द्रमा विभिन्न सिप मुलक तालिमहरु सन्चालन गरिने वडा अध्यक्ष प्रकाश कुमार श्रेष्ठले जानकारी दिनुभयो । तत्कालको लागि उक्त संस्थाले ३० थान सिलाई कटाई मेसिन सहित ल्यापटप समेत सहयोग गरेको वडा अध्यक्ष श्रेष्ठले जानकारी दिनुभयो ।