धादिङमा मुख्यमन्त्री जनता स्वास्थ्य परीक्षण कार्यक्रम सम्बन्धि स्थानिय तहका स्वास्थ्यकर्मीहरुलाई अभिमुखीकरण

धादिङबेशी । धादिङमा मुख्यमन्त्री जनता स्वास्थ्य परीक्षण कार्यक्रम सम्बन्धि स्वास्थ्ग्यकर्मीहरुलाई अभिमुखीकरण गरिएको छ । स्वास्थ्य कार्यालय धादिङकको आयोजनामा स्थानीय तहहरुमा कार्यरत स्वास्थ्यकर्मीहरुलाई अभिमुखीकरण गरिएको हो ।

मुख्यमन्त्री जनता स्वास्थ्य कार्यक्रम सँग सम्बन्धित (परिक्षण, निदान, परामर्श र उपचार व्यवस्थापन) कार्यविधि तथा मार्गदर्शनका बारे जानकारी गराउने उद्धेश्यले अभिमुखीकरण गरिएको मुख्यमन्त्री जनता स्वास्थ्य कार्यक्रमका फोकल पर्सन सुस्मिता ज्ञवालीले बताउनुभयो ।

कार्यक्रममा नसर्ने रोगको बारेमा अन्तराष्ट्रिय, राष्ट्रिय तथा प्रदेशको विद्यमान समस्या नसर्ने रोगको रोकथामका लागी जोखिम न्यूनिकरण गर्ने उपायहरु बारे छलफल गरिएको थियो ।

धादिङको १३ वटै पालिकाका विभिन्न स्वास्थ्य संस्थामा कार्यरत स्वास्थ्यकर्मीहरुलाई दुइ चरणमा अभिमुखीकरण गरिएको हो । मंगलबार पहिलो चरणमा नलिकण्ठ नगरपालिका, गजुरी गाउँपालिका, बेनिघाट रोराङ, थाक्रे, धुनिबेशी, नेत्रावती डबजोङ, ज्वालामुखी र गल्छी गाउँपालिका स्वास्थ्यकर्मीहरुलाई अभिमुखीकरण गरिएको थियो भने आज खनियाबास, गजुरी, त्रिपुरासुन्दरी, गंगाजमुना, रुवीभ्याली, सिद्धलेकका गाउँपालिकाका स्वास्थ्यकर्मीहरुलाई अभिमुखीकरण गरिएको हो ।