कृषि उपज संकलन तथा प्रशोधन केन्द्र स्थापना गर्न नीलकण्ठमा पाँच करोडको त्रिपक्षी सम्झौता

धादिङ,६ चैत 
नीलकण्ठ नगरपालिका,हेफर ईन्टरनेशनल र एक्सन नेपाल बिच कृषि क्षेत्रमा काम गर्न त्रिपक्षीय सम्झौता पत्रमा हस्ताक्षर भएको छ । नीलकण्ठ नगरपालिकामा आज नगर प्रमुख भीम प्रसाद ढुंगाना, हेफर ईन्टरनेशनल निर्देशक डा.तिर्थ राज रेग्मी र एक्सन नेपालका अध्यक्ष कमल ढुंगानाबिच सम्झौता पत्रमा हस्ताक्षर भएको हो ।

पाँच करोड सतचालिस लाख आठ सय रुपैँयाको त्रिपक्षीय सम्झौता भएको हो ।आवद्ध लाभग्राहीहरुमा स्वावलम्बी समुहहरु तथा सहकारीमा आवद्ध गर्दै सामजिक पुँजीको अभिबृद्धी गर्ने,उत्पादन प्रविधिहरुमा कृषकहरुको पहुँच अभिबृद्धी गरी उनीहरुको क्षमता अभिबृद्धि गर्ने,तरकारीको आपुर्ति शृंखला थप व्यस्थित गर्न संलग्न कृषकहरुको क्षमता अभिबृद्धि गर्ने,कृषि उपज संकलन तथा प्रशोधन केन्द्र स्थापना गर्नु,कृषकहरुको बजार पहँुच अभिबृद्धि गर्ने,तरकारी मुल्य शृंखलामा डिजिटल प्रविधिको प्रयोगको माध्यमबाट कृषकहरुलाई उन्नत प्रविधी,सेवा तथा बजार सुचनामा पहुँच बृद्धि गर्ने उदेश्यले परियोजना सन्चालन गर्न लागिएको नगर प्रमुख भीम प्रसाद ढुंगनाले बताउनु भएको छ ।

कार्यक्रममा नगर उप प्रमुख दिपक विश्वकर्मा,प्रमुख प्रशासकीय अधिकृत पुरुषोत्तम सुवेदी,शाखा प्रमुखहरु,वडा अध्यक्षहरु र कार्यपालिका सदस्यहरुको उपस्थितीमा सम्झौता पत्रमा हस्ताक्षर भएको हो । परियोजना अन्तरगत नीलकण्ठ नगरपालिकाले एक करोड नब्बे लाख रुपँैया र हेफर ईन्टरनेशनल नेपालले तीन करोड सन्ताउन्न लाख आठ सय र रुपैँया सहयोग गर्ने सहमति भएको हो । सम्झौता पत्रमा हस्ताक्षर गर्नुहुदै नगर प्रमुख भीम प्रसाद ढुंगानाले कुषि क्षेत्रलाई प्राथमिकतामा राखेर काम गरीरहेको बताउनभयो । कृषिमा क्रान्ति गर्न सके मात्र नगरपालिका समृद्ध हुने भन्दै उहाँले कृषि क्षेत्रमा ठुलो योजनाहरु ल्याएर काम गर्न लागिएको बताउनुभयो । अमेरीकी सरकारसँगको जि टु जि कार्यक्रम मार्फत पनि कृषिमा काम गर्न लागिएको भन्दै उहाँले कृषिमा केहि गर्नको लागि नगरबासीहरुलाई आग्रह गर्नुभएको छ ।