नीलकण्ठ –७ तल्लोबेशीमा चितुवाको आक्रमणमा ४ जना घाईते, प्रतिकारमा चितुवाको मृत्यू

धादिङ,६ चैत्र ।
धादिङको नीलकण्ठ नगरपालिका वडा नम्बर ७ तल्लोबेशीमा चितुवाको आक्रमणबाट ४ जना घाईते भएको छन । चिुतुवाले ककुर लगेपछि कुकुर खोज्न जाँदा सुरुमा दिपक श्रेष्ठलाई चितुवाले आक्रमण गरेको थियो । त्यसपछि अन्य स्थानियहरुलाई चितुवाले आक्रमण गरेको तल्लोबेशीबाट जयराम कोईरालाले बताउनु भयो ।

घाईते हुनेहरुमा तल्लोबेशीका विमला कोइराला, गोमा श्रेष्ठ, नन्द प्रसाद अधिकारी, दिपक श्रेष्ठ रहेका छन् । घाईतेहरुको उपचारका लागी हाल धादिङ अस्पताल पठाईएको कोईरालाले नीलकण्ठ एफ.एम.लाई बताउनु भयो ।

मानिसहरुलाई आक्रमण गर्न थालेपछि स्थानियहरुको प्रतिकारमा उक्त चितुवा मृत्यू भएको छ । उक्त क्षेत्रमा चितुवाले मानिसहरुलाई आक्रमण गरेपछि स्थानीयहरु त्रसित बनेका छन् ।

गर्मी लागेसँगै वन जङ्गलमा लागेको डढेलोको कारण चितुवा बस्तीमा देखिन थालेको छ ।