न्यायिक समितिका पदाधिकारीहरुको लागि आयोजित क्षमता अभिबृद्धि कार्यक्रम धादिङ्गबेसीमा सम्पन्न

धादिङ,१ चैत 
नीलकण्ठ नगरपालिकाको आयोजनामा जिल्ला स्थित स्थानीय सरकारका न्यायिक समितिका पदाधिकारीहरुको लागि आयोजित एक दिने क्षमता अभिबृद्धि कार्यक्रम सम्पन्न भएको छ । धादिङ्गबेसीमा सम्पन्न भएको कार्यक्रममा जिल्ला स्थित न्यायिक समितिका संयोजक र पदाधिकारीहरुको सहभागिता रहेको थियो । जिल्ला स्थित सबै स्थानीय सरकारहरुको न्यायिक समितिबाट हुने न्यायिक निरुपणका कार्यहरुमा एकरुपता ल्याउने उदेश्यले कार्यक्रमको आयोजना गरीएको हो । कार्यक्रममा गाउँपालिकाका उपाध्यक्ष र पदाधिकारीहरुको उपस्थिती रहेको थियो ।

नीलकण्ठ नगरपालिकाका उप मेयर दिपक विश्वकर्माको अध्यक्षतामा सम्पन्न भएको कार्यक्रममा नीलकण्ठ नगरपालिकाका मेयर तथा नेपाल नगरपालिका संघका केन्द्रिय अध्यक्ष दिपक विश्वकर्माको प्रमुख आतिथ्यता रहेको थियो । कार्यक्रममा संविधान विद् काशिराज दाहाल,जिल्ला न्यायाधिस गोपाल बास्तोला,जिल्ला न्यायाधिकस गिता श्रेष्ठ,धुनिवेशी नगरपालिकाका उप मेयर सुरज उप्रेती,प्रमुख जिल्ला अधिकारी बद्रीनाथ गैह्रे,नीलकण्ठ नगरपालिकाका प्रमुख प्रशासकीय अधिकृत पुरुषोत्तम सुवेदी लगायतको आतिथ्यता रहेको थियो ।

कार्यक्रममा सहभागीहरुलाई संविधान र स्थानीय सरकार संचालन र व्यवस्थापन,स्थानीय सरकारको कार्य संचालन विधि,स्थानीय सरकारको कानुन निर्माण प्रक्रिया,न्यायिक समिति र विवाद निरुपण,दिगो विकासको लक्ष्य र स्थानीयकरण,सुशासन र आर्थिक अनुशासन र स्थानीय पालिकाको पदाधिकारीको काम कर्तव्य र अधिकारको विषयमा प्रशिक्षकहरु संविधादन विद् काशिराज दाहाल,जिल्ला न्यायाधिस गोपाल बास्तोला,जिल्ला न्यायाधिकस गिता श्रेष्ठले सहजिकरण गर्नुभएको थियो । कार्यक्रमलाई सम्बोधन गर्नुहुदै कार्यक्रमका प्रमुख अतिथी तथा नीलकण्ठ नगरपालिकाका प्रमुख भीम प्रसाद ढुंगानाले न्यायिक समितिको कामलाई चुस्त दुरुस्त बनाउनुपर्ने बताउनुभयो । नागरिकहरुको विश्वास जितेर काम गर्न सकेमात्र विवाद निरुपण हुने भन्दै उहाँले स्थानीयको विवाद स्थानीयमै मेलमिलाप गराउनुपर्ने बताउनुभयो ।