सिद्धलेकमा अध्यक्षसँग पोषण तथा जेष्ठ नागरिक स्वास्थ्य सेवा कार्यक्रमको शुभारम्भ

धादिङ,२९ फागुन
सिद्धलेक गाउँपालिकामा अध्यक्षसँग पोषण तथा अध्यक्षसँग जेष्ठ नागरिक स्वास्थ्य सेवा कार्यक्रमको शुभारम्भ गरीएको छ । आज गाउँपालिकाको हलमा एक कार्यक्रमको आयोजना गरी कार्यक्रम सुभारम्भ भएको घोषणा गरीएको हो । नागरिकहरुलाई घरमै स्वास्थ्य सेवा प्रवाह गर्ने उदेश्यले कार्यक्रम सुरुवात गरीएको गाउँपालिकाका अध्यक्ष परशुराम खतिवडाले जानकारी दिनुभयो । गाउँपालिका भित्रका दिर्घ रोगी, स्वास्थ्य संस्था सम्म जान नसक्ने बिरामीहरुको लागि घरदैलोमै गएर स्वास्थ्य परिक्षण गर्नुको साथै औषधी वितरण गर्ने उद्धेश्य रहेको खतिवडाले नीलकण्ठ एफएमलाई जानकारी दिनुभयो ।

गाउँपालिकाको आर्थिक वर्ष २०८०/०८१ को स्वीकृत वार्षिक कार्यक्रम अन्तगत चैत देखि लागु हुने गरी आज कार्यक्रमको शुभारम्म गरिएको हो । गाउँपालिका भित्रका विभिन्न स्वास्थ्य संस्थामा कार्यरत स्वास्थ्यकर्मीहरुले ज्येष्ठ नागरिकको घरमै गई निःशुल्क स्वास्थ्यपरीक्षण तथा परामर्श दिने र आवश्यक औषधि समेत निशुल्क प्रदान गर्ने गाउँपालिकाका उपाध्यक्ष सविता अर्यालले जानकारी दिनुभयो । सिद्धलेकका नागरिहरुलाई सहज र सरल सेवा उपलब्ध गराउने गरी काम गरीरहेको अर्यालले बताउनुभयो । कार्यक्रममा प्रत्येक स्वास्थ्यकर्मीहरुलाई स्वास्थ्य परिक्षण गर्नको लागि आवश्यक सामाग्री सहित झोला वितरण गरेको छ ।

नेपाल सरकारले ९८ प्रकारका औषधी निःशुल्क व्यवस्था गरेको भएपनि सिद्धलेक गाउँपालिकाले थप २७ वटा औषधि निःशुल्क प्रदान गर्ने व्यवस्था गरेको छ । जेष्ठ नागरिक र कुपोषण भएकाहरलाई घरदैलोमै गएर सेवा दिइने स्वास्थ्य शाखा प्रमुख राम बिनय शाहले बताउनुभयो ।सामाजिक विकास समिति संयोजक शम्भु गुरुङको अध्यक्षतामा सम्पन्न भएको कार्यक्रममा गाउँपालिकाका अध्यक्ष परशुराम खतिवडाको प्रमुख आतिथ्यता रहेको थियो । कार्यक्रममा गाउँपालिकाका उपाध्यक्ष सविता अर्याल र निमित्त प्रमुख प्रशासकिय अधिकृत डा. चक्र वलीको विषेश आतिथ्यता रहेको थियो ।कार्यक्रममा वडा नं १ का वडा अध्यक्ष पेमा लामा, वडा नं ३ का वडा अध्यक्ष देव बहादुर पुलामी, वडा नं ५ का अध्यक्ष बुध घले, वडा नं ७ का वडाअध्यक्ष सानु गिरी लगायत सिद्धलेक गाउँपालिका भित्रका स्वास्थ्य स्वयंसेविकाहरुको उपस्थिति रहेको थियो ।