क्षयरोग, एचआईभी र मलेरिया सम्बन्धि पालिकास्तरीय अभिमुखीकरण कार्यक्रम सम्पन्न

धादिङबेशी । क्षयरोग, एचआईभी र मलेरिया सम्बन्धि पालिकास्तरीय अभिमुखीकरण कार्यक्रम धादिङबेशीमा सम्पन्न भएको छ । बागमती प्रदेश सरकार, स्वास्थ्य निर्देशनालयको आयोजनामा तथा सेभ द चिल्ड्रेनको आर्थिक तथा प्राविधिक सहयोगमा संचालन भएको कार्यक्रम सम्पन्न भएको हो ।

धादिङका १३ वटै स्थानिय तहका जनप्रतिनिधि, स्वास्थ्य शाखा प्रमुख र विषयगत शाखा प्रमुखहरुलाई अभिमुखीकरण गरिएको स्वास्थ्य कार्यालय धादिङका ल्याब टेक्निसियन निरिक्षक इन्द्र बहादुर राईले जानकारी दिनुभयो ।

कार्यक्रममा क्षयरोग, मलेरिया र एच.आइ.भि सम्बन्धि देश, प्रदेश, जिल्ला र स्थानिय तहको अवस्थाको बारेमा जानकारीका साथै स्थानिय तहले गर्नुपर्ने जिम्मेवारीका विषयमा छलफल गरिएको थियो ।

प्रदेश स्वास्थ्य निर्देशनालयका क्षय कुष्ठ फोकल पर्सन जीतेन्द्र कर्ण र सेभ द चिल्ड्रेनका कार्यक्रम संयोजक सम्भु कुमार शाहले सहजिकरण गर्नुभएको थियो ।