निलकण्ठ -१२ मा वडा स्तरीय छात्रा भलिबल प्रतियोगिता सम्पन्न,पशुपति मा.वि. प्रथम

धादिङबेशी । नीलकण्ठ नगरपालिका वडा न १२ मा अन्तर विद्यालय वडा स्तरीय छात्रा भलिबल प्रतियोगिता सप्पन्न भएको छ । नीलकण्ठ नगरपालिका वडा नम्बर १२ को आयोजनामा शुक्रबार अन्तर विद्यालय वडा स्थानीय छात्रा भलिबल प्रतियोगिता सम्पन्न भएको हो ।

प्रतियोगितामा वडा भरिका ५ वटा मा.वि.विद्यालयको सहभागीता रहेको थियो । प्रतियोगितामा पशुपति मा.वि. प्रथम भएको छ भने द्वितीय साङकोस मा.वि. तृतीय पञ्चकन्या मा.वि. भएको छ । प्रथम,द्वितीय ,तृतीय हुने बिद्यालयलाई प्रमाण पत्र,ट्रफी ,मेडल प्रदान गरिएको थियो ।

वडाले विगत बर्षामा पनि यस्तो कार्यक्रमहरू सञ्चालन गर्दै आएको र आगामी दिनमा पनि निरन्तरता दिने नीलकण्ठ नगरपालिका वडा नम्बर १२ का वडा अध्यक्ष धर्म राज भण्डारीले नीलकण्ठ एफ.एम.लाई बताउनु भयो ।