क्षयरोग, एचआईभी र मलेरिया सम्बन्धि पालिकास्तरीय अभिमुखीकरण कार्यक्रम धादिङबेशीमा संचालन

धादिङबेशी । क्षयरोग, एचआईभी र मलेरिया सम्बन्धि पालिकास्तरीय अभिमुखीकरण कार्यक्रम धादिङबेशीमा संचालन भएको छ । वागमती प्रदेश सरकार, स्वास्थ्य निर्देशनालयको  आयोजनामा पालिकाका जनप्रतिनिधि, स्वास्थ्य शाखा र विषयगत शाखाका प्रमुखहरुलाई अभिमुखिकरण गरिएको हो ।

बुधबार पहिलो चरणमा नीलकण्ठ नगरपालिका, त्रिपुरासुन्दरी गाउँपालिका, गंगाजमुना र नेत्रावती डबजोङ गाउँपालिकाका जनप्रतिनिधि, स्वास्थ्य शाखा प्रमुख र विषयगत शाखा प्रमुखहरुलाई अभिमुखीकरण गरिएको स्वास्थ्य कार्यालय धादिङका ल्याब टेक्निसियन निरिक्षक इन्द्र बहादुर राईले जानकारी दिनुभयो ।

कार्यक्रममा क्षयरोग, मलेरिया र एच.आइ.भि सम्बन्धि देश, प्रदेश, जिल्ला र स्थानिय तहको अवस्थाको बारेमा जानकारीका साथै स्थानिय तहले गर्नुपर्ने जिम्मेवारीका विषयमा छलफल गरिएको थियो ।

१३ वटै पालिकाका जनप्रतिनिधि, स्वास्थ्य शाखा र विषयगत शाखाका प्रमुखहरुलाई ३ चरण गरेर अभिमुखीकरण कार्यक्रम गरिने ल्याब टेक्निसियन निरिक्षक राईले .बताउनुभयो ।