माघे संक्रान्तिको अवसरमा धुँवाकोटमा रक्तदान कार्यक्रम हुँदै

धादिङ, २९ पौष ।
माघे संक्रान्ति सांस्कृतिक तथा कृषि महोत्सवको अवसरमा नीलकण्ठ नगरपालिका वडा नं १४, धुवाकोटमा रक्तदान कार्यक्रम हुने भएको छ । नेपाल रेडक्रस सोसाइटी धुवाकोट उप–शाखा को आयोजनामा माघ १ गते सोमबार रक्तदान कार्यक्रम हुने भएको हो ।

रक्तदान कार्यक्रममा प्रगतिशील महिला बचत तथा ऋण सहकारी संस्था लि, धुवाकोटमा स्वास्थ्य चौकी–२, नीलकण्ठ नगरपालिका वडा नं १४ कार्यलय, संस्कृति संरक्षण एंव पर्यटन प्रवर्धन समिति, विद्यार्थी उपकार संघ, भंगेरी युवा क्लब, कुपा युवा समाज, जनआवाज युवा क्लब को सह– आयोजक रहेको छ भने लायन्स क्लब अफ काठमाडौ बल्ड सर्कलको सहकार्य रहेको छ ।

बिहान ८ बजेदेखि दिउँसो ४ बजेसम्म हुने रक्तदान कार्यक्रममा नेपाल रेडक्रस सोसाइटी रक्त संचार सेवा केन्द्र धादिङको प्राविधि सहयोग रहेको छ ।

धुँवाकोटमा पहिलो पटक हुन लागेको रक्तदान कार्यक्रममा नयाँ पुस्ताका युवाहरु रक्तदान गर्न उत्सुक रहेको नेपाल रेडक्रस सोसाइटी धुवाकोट उप–शाखा सभापति सुमन अधिकारीले बताउनुभयो ।