धादिङको भर्या्ङभुरुङमा अस्थायी प्रहरी पोष्टको स्थापना

धादिङबेशी । नेत्रावती डबजोङ गाउँपालिका वडा नं ४ स्थित भर्या्ङभुरुङमा अस्थायी प्रहरी पोष्टको स्थापना गरिएको छ । बुधबार धादिङका प्रमुख जिल्ला अधिकारी बद्रीनाथ गैह्रेले उक्त अस्थाई प्रहरी पोष्टको उद्घघाटन गर्नु भएको हो ।
उद्धघाटन समारोहलाई सम्बोधन गर्नुहुँदै प्रमुख जिल्ला अधिकारी बद्रीनाथ ग्रैह्रले अस्थायी प्रहरी चौकी स्थापना भएपछि शान्ति सुरक्षा, अपराध नियन्त्रण, विपद तथा अन्य घटनाको तत्काल उद्दार, विभिन्न सेवा प्रवाहमा सहजीकरण लगायतका कार्यमा सहयोग पुग्ने बताउनुभएको छ ।

पछिल्लो समय अपराधिक घट्नाहरु धेरै घटेको हुनाले स्थानीयस्तरमा शान्ति सुरक्षा कायम गर्न र आपराधिक क्रियाकलापमा कमी ल्याउन अस्थायी प्रहरी पोष्टको स्थापना गरिएको नेत्रावती डबजोङ गाउपालिकाका अध्यक्ष मेघनाथ रिजालले बताउनुभयो ।
उक्त प्रहरी पोष्टले धादिङको नेत्रावती डवजोङ गाउपालिका र नुवाकोटको म्यागङ गाउपालिकमा अपराध न्यूनीकरण, अनुसन्धान र कारवाही, कानून कार्यान्वयन, विपद तथा अन्य घटनाको तत्काल उद्दार तथा व्यवस्थापन लगायतका कार्यमा सहयोग पुग्ने अध्यक्ष रिजालको भनाई छ ।

एक जिल्लामा अपराध गरेर अर्को जिल्लामा सजिलै जान सक्ने र भ¥याङभुरुङबाट अन्य प्रहरी चौकीहरु पनि निकै टाडा भएको कारणले अस्थायी प्रहरी पोष्टको स्थापना गरिएको जिल्ला प्रहरी कार्यालय धादिङका प्रमुख गौत्तम मिश्रले बताउनु भयो ।

अस्थायी प्रहरी चौकी स्थापना भएपछि शान्ति सुरक्षा कायम गर्न सहज हुने र ग्रामीण क्षेत्रमा हुने आपराधिक क्रियाकलापमा कमी आउने विश्वास गरिएको गाउँपालिकाका प्रमुख प्रशासकिय अधिकृत हरेराम साहले बताउनु भयो ।
अस्थायी प्रहरी पोष्टको स्थापना भएपछि समाजमा भएका विकृतिहरु न्युन हुने आशा गरिएको स्थानियले बताएका छन् ।

गाउँपालिकाका अध्यक्ष मेघनाथ रिजालको अध्यक्षतामा भएको उद्धघाटन कार्यक्रममा प्रमुख जिल्ला अधिकारी बद्रीनाथ गैरेको प्रमुख आतिथ्य तथा जिल्ला प्रहरी कार्यालय धादिङका प्रमुख गौतम मिश्रको विषेश आतिथ्यता रहेको थियो ।