धादिङका वन वातावरणका सवालमा पालिकासँग अन्तरक्रिया

धादिङ,१४ पौष ।
डिभिजन वन कार्यालय धादिङले पालिकासँग अन्तरक्रिया कार्यक्रमको सुरुवात गरेको छ । धादिङका वन वातावरणका सवाललाई पालिका स्तरमा पुर्याउने उद्देश्यले कार्यक्रमको सुरुवात गरिएको डिभिजन वन कार्यालय धादिङका प्रमुख बिष्णु प्रसाद आचार्यले बताउनुभयो ।

उक्त कार्यक्रम अन्तगरत गंगाजुमना गाउँपालिकाका कार्यपालिका सदस्यसँग अन्तरक्रिया कार्यक्रम सम्पन्न गरेको छ । अन्तरक्रिया कार्यक्रममा वन वातावरणसँग सम्बन्धित बिषयमा डिभिजन वन कार्यालय धादिङका प्रमुख बिष्णु प्रसाद आचार्यले सहजीकरण गर्नुभएको थियो।
कार्यक्रममा स्थानीय सासन संचालन ऐन २०७४, वन ऐन २०७६ र वन नियमवाली २०७९ कोे पालिकाले गर्नु पर्ने समन्वयको बारेमा नियम कानुनको बिषयमा छलफल भएको थियो ।

गाउँपालिकाले आगामी दिनमा वन वातावरणको क्षेत्रमा रकम विनियोजन गर्ने र काम गर्ने निर्णय एंव प्रतिवद्धता व्यक्त गरेको छ ।
गंगाजमुना गाउँपालिकाका अध्यक्ष भक्त बहादुर लामा, उपाध्यक्ष रामेश्वर सिंखडा, प्रमुख प्रशासकिय अधिकृत अनिल श्रेष्ठ लगायत कार्यपालिका सदस्यहरुको सहभागिता रहेको थियो ।

वन कार्यालय धादिङले मंसिर ७ गते धादिङका १३ वटै पालिकालाई पत्राचार गरेर वन वातावरण सँग सम्बन्धित २३ वटा बुदालाई स्थानिय एजेन्डाको रुपमा आ–आफ्नो तर्फबाट प्रभावकारी रुपमा लागु गर्न आग्रह गरेको थियो । कार्यालयले उक्त कार्यक्रममा जिल्लाको १३ वटै पालिकामा संचालने गर्ने निर्णय गरेको छ ।