चिल्ड्रेनपार्क आवासीय मा.विको वार्षिक खेलकुद कार्यक्रम पौष ११ देखि हुँदै

धादिङ,१० पौष ।
धादिङ जिल्लाकै अब्बल शैक्षिक संस्था चिल्ड्रेनपार्कआवासीय माध्यामिक विद्यालयको वार्षिक खेलकुद कार्यक्रम पौष ११ गते बाट हुने भएको छ । विद्यालयको वार्षिक कार्यतालिका अनुसार पौष ११ गतेदेखि खेलकुद कार्यक्रम सुरु हुने भएको हो ।

विद्यालयका नीलो, हरियो, रातो, र पहेँलो सदन बिच प्रतिस्पर्धा हुने खेलहरु अन्तराष्ट्रिय नियमा नै हुने विद्यालयका खेलकूद व्यवस्थापन समितिका सदस्य केशव श्रेष्ठले जानकारी दिनुभयो ।

सदन शिक्षकहरु बिच समेत हुने प्रतिस्पर्धामा कुल ११० स्वर्ण, ११० रजत र १०१ कास्य पदकको लागि प्रतिस्पर्धा हुने विद्यालयले जानकारी गराएको छ।

कक्षा ९ सम्मको विद्यार्थीहरु सहभागि हुने खेलहरुलाई प्रि प्राइमरी, जुनियर, सब जुनियर र सिनियर गरी ४ तहमा खेल खेलाइने खेलकूद व्यवस्थापन समितिका सदस्य श्रेष्ठले बताउनुभयो ।

पौष ११ गतेदेखि सुरु हुने खेलकुद कार्यक्रम पौष १३ गतेसम्म संचालन हुने छ । गत वर्षको खेलकुद कार्यक्रमको विजेत नीलो सदन भएको थियो भने पहेलो सदन अनुशासित सदन बनेको थियो । साथै कक्षा ११, १२ र सिपी कलेजको समेत खेलकुद कार्यक्रम भोलि देखि संचालन हुनेछ।