धादिङ अस्पताल छिट्टै १०० शैयाको अस्पताल हुन्छ : मुख्यमन्त्रि शालिकराम जम्कट्टेल

धादिङबेशी । धादिङ अस्पताल अव छिट्टै १०० शैयाको अस्पताल हुने बागमती प्रदेश मुख्यमन्त्रि शालिकराम जम्कट्टेलले बताउनु भएको छ ।
धादिङ अस्पताल धादिङको ४७ औँ वार्षिक उत्सवको समारोहलाई सम्बोधन गर्दै उहाँले धादिङ अस्पताललाई एक सय शैयाको अस्पताल बनाउने कार्यको प्रक्रिया अगाडी बढि सकेको बताउनु भयो ।

उहाँले हाल भईरहेको ५० शैयालाई थप गरेर एक सय शैयाको अस्पताल बनाउने प्रक्रियाको निर्णय यहि पौष ३ गते क्याबिनेटको बैठक बसेर गरिने समेत बताउनु भयो ।

यस्तै कार्यक्रमलाई सम्बोधन गर्नुहुँदै बागमती प्रदेशका स्वास्थ्यमन्त्री उत्तम जोशीले कुनै पनि बिरामीहरु पैसाको अभावमा वञ्चित हुन नहुने बताउनुभयो । मुख्यमन्त्री जनतासँग स्वास्थ्य कार्यक्रम लगाएत प्रदेश सरकारले अस्पतालबाट प्रदान गर्ने सेवा सुविधा सबै प्रदान गर्न अस्पताल प्रशासनसँग आग्रह गर्नुभयो । उहाँले धादिङ अस्पताल पनि प्रादेशिक अस्पताल भएको कारणले अस्पतालमा कार्यरतहरुको सेवा सुविधामा एकरुपता बनाउन अस्पतालन प्रशासनलाई आग्रह गर्नु भएको छ ।

कार्यक्रममा लामो समय काम गरेका कर्मचारीहरु, अस्पतालको सेवामा उत्कृष्ट काम गर्ने कर्मचारी, अस्पताललाई सहयोग गर्ने संघ सस्था लगायतलाई सम्मान गरिएको थियो । कार्यक्रममा अस्पतालका नर्स तथा डाक्टरहरुले विभिन्न साङ्गीतिक प्रस्तुतिहरु प्रस्तुत गर्नुभएको थियो ।