गजुरी गाउँपालिकाद्धारा विद्यार्थीहरुलाई ट्रयाक सुट वितरण

धादिङ,२१ मंसिर ।
गजुरी गाउँपालिकाले चेपाङ छात्रा तथा आर्थिक अवस्था कमजोर भएका विद्यार्थीहरुलाई ट्रयाक सुट वितरण गरेको छ ।

गाउँपालिकाको वडा नं १ मा रहेको किशोरी चेपाङ छात्रावासका २६ जना र आर्दश मा.विमा अध्ययनरत आर्थिक अवस्था कमजोर भएका ४ जना गरी ३० जनालाई ट्र्याक सुट वितरण गरेको हो । चिसोको समयमा विद्यार्थीहरुको पठनपाठनमा सहज होस् भन्ने उद्धेश्यले ट्रयाक सुट वितरण गरिएको गाउँपालिकाका उपाध्यक्ष शर्मिला विसुरालले बताउनुभयो ।

गाउँपालिकाको कार्यलयमा पालिकाका अध्यक्ष गणेशलाल श्रेष्ठ उपाध्यक्ष शर्मिला विशुराल, वडा नं १ का अध्यक्ष तारानाथ भण्डारीे र शिक्षकको उपस्थितिमा विद्यार्थीहरुलाई ट्रयाक सुट वितरण गरिएको हो ।

त्यसैगरी
गाउँपालिकाले 3rd India Open International Taekwondo Championship 2023 मा सहभागी खेलाडि हरुलाई सम्मान गरेको छ । आज एक कार्यक्रमका बिच गाउँपालिकाका अध्यक्ष गणेशलाल श्रेष्ठले नगद सहित सम्मान गर्नुभएको हो ।

उक्त प्रतियोगितामा गजुरी गाउँपालिकाका मन्जिल ढुङ्गाना द्धितिय र रितिक भुजेल तृतिय भएका थिए । अध्यक्ष श्रेष्ठले मन्जिललाई नगद ५ हजार र रितिकलाई नगद ३ हजार सहित सम्मान गर्नुभएको हो । गाउँपालिकाले खेलाडी सँगै तेक्वान्दो प्रशिक्षक धनबहादुर गुरुङलाई समेत सम्मान गरेको छ।