धादिङमा सुरक्षित वैदेशिक रोजगार सम्बन्धी प्रहरीसँग अन्तरक्रिया

धादिङ,१७ मंसिर
वैदेशिक रोजगारलाई सुरक्षित बनाउन धादिङमा प्रहरीसँग अन्तरक्रिया गरिएको छ। वैदेशिक रोजगारीमा देखिएका समस्या न्युनिकरण गर्न र वैदेशिक रोजगारलाई सुरक्षित बनाउनको लागि प्रहरी सँग अन्तरक्रिया कार्यक्रमको आयोजना गरिएको हो।नेपाल सरकार श्रम रोजगार तथा सामाजिक सुरक्षा मन्त्रालयको नीतिगत नेतृत्व र नीलकण्ठ नगरपालिकाद्वारा सन्चालित  सुरक्षित आप्रवासन सामी कार्यक्रम अन्तरगत सम्पन्न भएको अन्तरक्रिया कार्यक्रममा जिल्ला भरका प्रहरी चौकी ईन्चार्ज,ईलाका प्रहरी कार्यालयका प्रमुख लगायत ५० जना प्रहरीहरुको सहभागिता रहेको थियो ।

जिल्ला प्रहरी प्रमुख गौतम मिश्रको अध्यक्षतामा सम्पन्न भएको कार्यक्रममा नीलकण्ठ नगरपालिकाका उप मेयर दिपक विश्वकर्माको प्रमुख आतिथ्यता रहेको थियो । कार्यक्रममा डिएसपी सन्तुलाल प्रसाद जैसवार,सामी कार्यक्रम अधिकृत भागीराम चौधरी,सामी कार्यक्रम जिल्ला संयोजक दिनेश दुवाडी,डिप्रोस नेपालका क्षेत्रीय संयोजक अर्जुन शाहीको आतिथ्यता रहेको थियो ।

कार्यक्रमलाई सम्बोधन गर्नुहुदै प्रमुख अतिथी नीलकण्ठ नगरपालिकाका उप मेयर दिपक विश्वकर्माले बैदेशिक रोजगारलाई सुरक्षित,भरपर्दो र मर्यादिन बनाउनुपर्ने दायित्व स्थानीय सरकारको रहेको बताउनुभयो । युवाहरुलाई स्वदेशमै स्वरोजगारी बनाउने काम सुरु भएपनि त्यो पर्याप्त नभएको स्पष्ट पार्नुभयो । देशमा कलकारखाना,उद्योग स्थापना भएमात्रै ठुलो मात्रमा रोजगारीको सृजना हुने भन्दै उहाँले स्थानीय तहले चाहदैमा धेरै गर्न नसकिने बताउनुभयो ।

बँैदेशिक रोजगारीको कारण धेरै समस्याहरु आएका भन्दै समस्या न्युनीकरणको लागि सबैले सहयोग गर्नुपर्ने बताउनुभयो । यसैगरी कार्यक्रममा सामी कार्यक्रम संयोजक दिनेश दुवाडीले सामी परियोजनाले जिल्लामा गरेका कामहरुको बारेमा जानकारी गराउनु भएको थियो ।बैदेशिक रोजगारको क्रममा देखिएका समस्या र प्रहरी प्रशासनले खेल्नुपर्ने भूमिका, बैदेशिक रोजगार विभाग र प्रहरी सँग भएको सम्झौता अनुसार प्रहरीले खेल्नुपर्ने भुमिका र आगामी दिनमा सहयोग र सहकार्य कसरी गर्न सकिन्छ भन्ने विषयमा छलफल भएको थियो ।

यसैगरी सामी कार्यक्रम अधिकृत भागीराम चौधरीले बैदेशिक रोजगारमा हुने ठगी र प्रहरीले खेलेको भुमिकाको विषयमा जानकारी गराउनु भएको थियो । कार्यक्रममा प्रहरी प्रमुख गौतम मिश्रले बैदेशिक रोजगारमा हुने ठगीमा प्रहरीले खेल्नुपर्ने भुमिका र कानुनी प्रावधानको विषयमा जानकारी गराउनु भएको थियो ।

कार्यक्रममलार्य सम्बोधन गर्नुहुदै मिश्रले बैदेशिक रोजगारमा हुने ठगी लगायतका घट्नाहरुलाई गम्भीरताको साथ लिन र सोहि अनुसार जिल्लामा रिर्पोटीङ गर्नको लागि सहभागी प्रहरी चौकी ईन्चार्ज लगायतलाई निर्देशन दिनुभएको छ । साथै सामी कार्यक्रमसँग समन्वय गरेर बैदेशिक रोजगारलाई सुरक्षित,भरपर्दो र मर्यादित बनाउनको लागि प्रहरीले भुमिका खेल्ने बताउनु भएको छ । नीलकण्ठ नगरपालिकाका सामाजिक परिचालन अधिकृत सम्झना भण्डारीले सन्चालन गर्नुभएको कार्यक्रममा मनोविमर्शकर्ता रामकुमार थापाले प्रहरीलाई आईपर्ने तनाव,तनाव व्यवस्थापनको तरिकाको विषयमा सहजीकरण गर्नुभएको थियो ।