सिद्धलेकले मंसिर २७ गतेदेखी राष्ट्रपति रनिङ शिल्ड प्रतियोगिता गर्ने

धादिङ,१७ मंसिर
धादिङको सिद्धलेक गाउँपालिकामा मंसिर २७ गतेबाट राष्ट्रपति रनिङ्ग शिल्ड प्रतियोगिता गर्ने भएको छ । शनिवार गाउँपालिकाका अध्यक्ष परशुराम खतिवडाको अध्यक्षतामा बसेको बैठकले पालिका स्तरीय राष्ट्रपति रनिङ्ग शिल्ड मंसिर २७ गतेबाट गर्ने निर्णय गरेको हो ।

सिद्धलेक गाउँपालिकाको आयोजनामा हुने विद्यालय स्तरिय राष्ट्रपनि रनिङ शिल्ड प्रतियोगिता मंसिर २७ गतेदेखि ३० गतेसम्म सञ्चालन गर्ने निर्णय भएको जिल्ला भविलब संघका अध्यक्ष तथा शिक्षक अमृत गुरुङ(तिलक)ले जानकारी दिनुभदयो । राष्ट्रपति रनिङ शिल्ड अन्तर्गत महिला तथा पुरुष भलिवल, कबड्ड,एथ्लेटिक्सका खेलहरु हुनेछन् ।

प्रतियोगितामा १८ वर्ष मुनिका कक्षा १२ सम्म अध्ययनरत विद्यार्थीहरुले सहभागिता जनाउन पाउनेछन् । प्रतियोगिता सिद्धलेक गाउँपालिका वडा नम्बर ३ सलाङ स्थित अमर आदर्श माध्यमिक विद्यालयमा सन्चालन हुनेछ ।