मृगौला पीडित तामाङको उपचारको लागि नीलकण्ठको स्ववियुको नेतृत्वमा आर्थिक संकलन

धादिङ,१४ मंसिर
रुवीभ्याली गाउँपालिका वडा नम्बर ५ का मृगौला पीडित राम तामाङको उपचारको लागि नीलकण्ठ बहुमुखी क्याम्पसको (स्ववियु)ले आर्थिक संकलन गरेको छ । आर्थिक अभावको कारण उपचारमा समस्या भएका तामाङको उपचारको लागि स्ववियुका कोषाध्यक्ष शितल सापकोटाको नेतृत्वमा रकम संकलन गरीएको हो ।

नीलकण्ठ बहुमुखी क्याम्पस,नीलकण्ठ माध्यमिक विद्यालयका विद्यार्थी र शिक्षकबाट संकलीत १५ हजार २ सय ४० रुपैँया राम तामाङका छोरी धनमायाँ तामाङलाई हस्तान्तरण गरीएको हो । स्वतन्त्र विद्यार्थी युनियनले विद्यार्थीहरुको हकहितका साथै सामाजिक कार्यमा सहभागी जनाउदै आएको कोषाध्यक्ष सापकोटाले जानकारी दिनुभयो ।

जिबनको लामो समय पैसा कमाउन भन्दा सामाजिक कार्यमा निस्वार्थ लाग्नु भएका तामाङका परिवार हाल आर्थिक अभावको कारण उपचारमा समस्या भएकोले सम्पुर्ण सहयोगी मनहरु समक्ष जिबन रक्षाको निम्ति सहयोग गरिदिनु विद्यार्थी आमोस थापा तामाङले जानकारी दिनुभयो ।

सहयोगको लागि
ग्लोबल आइ एम इ बैंक : 35307010001204

सम्पर्क ब्यक्ति छोरी
धन माया तामाङ 9861512620