स्थानिय सरकारका जनप्रतिनिधिको आवाजलाई समेटेर विपद् जोखिम न्यूनीकरण राष्ट्रिय नीति बनाउन मेयर ढुंगानाको माग

धादिङ,८ मंसिर

स्थानिय सरकारका जनप्रतिनिधिले उठाएको आवाजलाई समेटेर राष्ट्रिय नीति बनाउन नीलकण्ठ नगरपालिकाका मेयर तथा नेपाल नगरपालिका संघको अध्यक्ष भीम प्रसाद ढुंगानाले माग गर्नुभएको छ ।अहिलेको विपद् कोषको सही ढंगबाट प्रयोग हुन नसकेको भन्दै ढुंगानाले जनप्रतिनिधिकै नेतृत्वमा विपद् कोष रहनुपर्नेमा ध्यानाकर्षण पनि गराउनुभयो । नेपाल नगरपालिका संघले विपद् जोखिम न्यूनिकरणका विषयमा सरोकार वाला पक्षहरूसँग छलफल कार्यक्रमलाई सम्बोधन गर्नुहुदै मेयर ढुंगानाले सो कुरा बताउनु भएको हो।

शुक्रबार काठमाडौंमा युएसआइडीको सहयोगमा भएको विपद् जोखिम न्यूनीकरणमा राष्ट्रिय नीति र अभ्यास विषयक संवाद कार्यक्रमका वक्ताहरूले विपद् जोखिम कम हुने संरचना बनाएर मात्र विपद्को जोखिमबाट बच्न सकिने बताएका छन् । कार्यक्रममा बोल्दै नगरपालिका संघका अध्यक्ष भीम प्रसाद ढुंगानाले विपद् जोखिम न्यूनिकरणको सार्थक प्रयास गर्न स्थानिय सरकारले मात्र गर्न सक्ने भन्दै केन्द्र र प्रदेशलाई नीति बनाउन आग्रह गर्दै स्थानिय सरकारलाई स्रोत उपलब्ध गराउन आग्रह गर्नुभयो ।

उहँले सोही कार्यक्रममा बोल्दै नगरपालिका संघका कार्यकारी निर्देशक कलानीधि देवकोटाले विपद् जोखिम न्यूनिकरणमा स्थानिय सरकारकै भुमिका हुने भए पनि त्यसको स्वतन्त्र रूपमा कार्यन्वयन हुन नसक्दा पनि कतिपय समस्या आएको बताउनुभयो ।कार्यक्रममा संघिय मामिला तथा स्थानिय विकासमन्त्री अनिता देवी, राष्ट्रिय योजना आयोगका सदस्य अनिता देवकोटा ढुंगाना लगायतले स्थानिय सरकारलाई थप साधन स्रोत सम्पन्न बनाएर जोखिमको न्यूनिकरण तथा उद्वारको तयारी गर्नुपर्ने बताउनुभयो ।उहाँहरूले नीति बनाउँदा नै प्रदेश र संघले स्थानिय सरकारलाई यस मामिलामा थप बलियो बनाउन आफुहरू लागि पर्ने प्रतिबद्वता व्यक्त गर्नुभयो । कार्यक्रममा विभिन्न नगर पालिकाका प्रमुख तथा प्रतिनिधि, दातृ निकायका प्रतिनिधिहरू, विपद् सँग सरोकार रहने सरकारी निकायका प्रतिनिधहरू र सरोकारवालाहरूको सहभागिता रहेको थियो ।